Булавабрух кольчаты

	Булавабрух кольчаты
Навуковая класіфікацыя
Дамен:	Эўкарыёты
Царства:	Жывёлы
Падцарства:	Эўметазоі
Без рангу:	Двухбакова-сіметрычныя
Без рангу:	Першаснаротыя
Без рангу:	Ecdysozoa
Без рангу:	Panarthropoda
Тып:	Членістаногія
Падтып:	Трахейнадыхальныя
Надклас:	Шасціногія
Клас:	Насякомыя
Падклас:	Крылатыя насякомыя
Інфраклас:	Paleoptera
Атрад:	Стракозы
Падатрад:	Epiprocta
Інфраатрад:	Разнакрылыя
Надсямейства:	Cordulegastroidea
Сямейства:	Булавабрухі
Род:	Cordulegaster
Від:	Булавабрух кольчаты
Міжнародная навуковая назва
	Cordulegaster boltonii Donovan, 1807
Сінонімы
	Aeshna annulata Latreille, 1805 (Preocc.); Libellula grandis Scopoli, 1763 (Preocc.); Libellula forcipata Harris, 1780 (Preocc.); Libellula boltonii Donovan, 1807; Cordulegaster boltoni Auctt. (Missp.); Cordulegaster lunulata Charpentier, 1840; Cordulegaster annulatus immaculifrons Selys, 1850; Cordulegaster annulatus intermedius Selys, 1857; Cordulegaster boltonii intermedia (Selys, 1857); Aeschna lorenzonii Disconzi, 1865; Cordulegaster algerica Morton, 1916; Cordulegaster algirica Auctt. (Missp.); Cordulegaster boltonii iberica Boudot & Jacquemin 1995;
NCBI	126173

Булавабрух кольчаты, вялікая кольчатая страказа, кардулегастр кольчаты (Cordulegaster boltonii) — від стракоз сямейства булавабрухаў.

Апісанне

Даўжыня брушка 54—64 мм, задніх крылаў 41—47 мм. Буйныя чорныя стракозы з ярка-жоўтымі палосамі на грудзях і кольцамі на брушку, пры яго аснове — шыпападобныя вырасты. Крылы празрыстыя. Пярэднія і заднія крылы розныя па форме, трохвугольнікі на іх выцягнуты ўздоўж. Вочы сутыкаюцца на цемі.

Пашырэнне

Пашыраны ў Еўропе (акрамя поўначы). На Беларусі трапляюцца нешматлікія папуляцыі.

Імага жывуць у зацененых месцах, каля берагоў рэк і ручаёў. Лічынкі вялікія, развіваюцца ў праточных водах з павольным цячэннем.

Асаблівасці біялогіі

Стракозы хутка лётаюць па берагах вадаёмаў, аддаляючыся часам на вялікія адлегласці ад месцаў выпладу. Лёт у чэрвені-ліпені. Яйцы адкладваюць у час лёту ў вільготны грунт на невялікую глыбіню.

Дарослыя кормяцца насякомымі, рэгулятары колькасці крывасосных двухкрылых. Лічынкі сілкуюцца воднымі беспазваночнымі, маляўкамі рыб.

Цыкл развіцця 3-4 гады.

Літаратура

Кардулегастэрыды // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
Булавабрухі // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).
Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. — Мн.: Беларуская Энцыклапедыя, 1993. — ISBN 5-85700-095-5

Спасылкі