Энхітрэіды

Энхитреиды
Энхітраус белы (Enchytraeus albidus)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Надтып:  Спіральныя Тып:  Кольчатыя чэрві Клас:  Clitellata Падклас:  Малашчацінкавыя чэрві Атрад:  Haplotaxida Падатрад:  Tubificina Надсямейства:  Enchytraeoidea Сямейства:  Энхітрэіды
Міжнародная навуковая назва
Enchytraeidae Vejdovský, 1879
Сістэматыка на Віківідах Выявы на Вікісховішчы ITIS   68510 NCBI   6388 EOL   55 FW   262388

Энхітрэі́ды (Enchytraeidae) — сямейства малашчацінкавых чарвей.

Апісанне

Цела (даўжыня 2—45, часцей 10—25 мм) падоўжанае, белаватае, членістае (25—50 членікаў). На кожным з членікаў па 4 пучкі палачка- або іголкападобных шчацінак.

Пашырэнне

Вядома сотні водных і глебавых (апошніх больш) відаў. На Беларусі найбольш адзначаецца энхітраус белы (Enchytraeus albidus).

Некаторыя віды гадуюць на корм рыбам у акварыумах і рыбных гаспадарках.

Асаблівасці біялогіі

Кормяцца аднаклетачнымі водарасцямі, бактэрыямі, арганічнымі рэшткамі. Удзельнічаюць у мінералізацыі арганічных рэшткаў і глебаўтварэнні.

Гермафрадыты. Размнажэнне пераважна полавае. У асобных відаў адзначаецца бясполае размнажэнне шляхам архітаміі, пры якой цела чарвяка дзеліцца адразу на некалькі частак, на кожнай з якіх вырастаюць галаўны і хваставы канцы.

Літаратура

• Гладкая Р. Энхітрэіды // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.