Half-Life (серыя відэагульняў)
Half-Life — гэта серыя шутараў ад першай асобы, створаная кампаніяй Valve.
Арыгінальная гульня Half-Life была выпушчана ў 1998 годзе для Windows і была вельмі паспяховай. Механізмы гульні паўплывалі на жанр шутараў, па матывах гульні было створана мноства модаў, у тым ліку шматкарыстальніцкія гульні Counter-Strike і Day of Defeat. Да Half-Life былі выпушчаны дапаўненні Opposing Force (1999), Blue Shift (2001) і Decay (2001).
У 2004 годзе Valve выпусціла Half-Life 2, якая атрымала яшчэ большы поспех. Да яе былі створаны дадатковы ўзровень Lost Coast (2005) і кароткія сіквелы Episode One (2006) і Episode Two (2007). Працяг гісторыі быў запланаваны ў Episode Three на 2007 год, аднак пазней Valve скасавала яго.
На працягу наступнага дзесяцігоддзя шматлікія гульні серыі былі скасаваныя, нягледзячы на чаканні фанатаў. Нарэшце ў 2020 годзе Valve выпусціла флагманскую гульню ў віртуальнай рэальнасці Half-Life: Alyx, сюжэт якой адбываецца за 5 год да падзей Half-Life 2.
У снежні 2008 года Valve абвясціла, што дзве асноўныя гульні Half-Life былі прададзены тыражом 15,8 мільёна адзінак (9,3 мільёна для першай, 6,5 мільёна для другой), пры гэтым дапаўненні Half-Life былі прададзены тыражом 1,9 мільёна, дапаўненні Half-Life 2 — тыражом 1,4 мільёна адзінак.
Спіс гульняў[правіць | правіць зыходнік]
| 1998 | Half-Life |
|---|---|
| 1999 | Half-Life: Opposing Force |
| 2000 | |
| 2001 | Half-Life: Blue Shift |
| Half-Life: Decay | |
| 2002 | |
| 2003 | |
| 2004 | Half-Life: Source Half-Life 2: Deathmatch |
| 2005 | Half-Life 2: Lost Coast |
| 2006 | Half-Life Deathmatch: Source |
| Half-Life 2: Episode One | |
| 2007 | Half-Life 2: Episode Two |
| 2008 | |
| 2009 | |
| 2010 | |
| 2011 | |
| 2012 | |
| 2013 | |
| 2014 | |
| 2015 | |
| 2016 | |
| 2017 | |
| 2018 | |
| 2019 | |
| 2020 | Half-Life: Alyx |
Half-Life[правіць | правіць зыходнік]
Гульня Half-Life, першы прадукт Valve, была выпушчана 19 лістапада 1998 года і апублікавана кампаніяй Sierra On-Line для Windows.[1] Гульня пачынаецца ў Навукова-даследчым цэнтры Чорнай Мезы, дзе фізічны эксперымент выпадкова выклікае прасторавую расколіну і выклікае ўварванне іншапланецян.[2] Галоўны герой, фізік-тэарэтык Гордан Фрыман, змагаецца як з іншапланецянамі, так і з салдатамі ўрадавых падраздяленняў, якім было загадана знішчыць усіх удзельнікаў эксперымента.
Half-Life атрымала прызнанне за сваю графіку, геймплэй і бездакорнае апавяданне. Яна атрымала больш за 50 узнагарод «Гульня года»[3] і лічыцца адной з лепшых калі-небудзь створаных відэагульняў.[4][5]
Opposing Force[правіць | правіць зыходнік]
1 лістапада 1999 года выйшла дапаўненне Opposing Force[6], распрацаванае кампаніяй Gearbox Software. [7] Гулец кіруе капралам марской пяхоты ЗША Эдрыянам Шэпардам, які змагаецца з новай групай іншапланецян і іншымі аператыўнымі падраздзяленнямі.
Blue Shift[правіць | правіць зыходнік]
Наступнае дапаўненне, Half-Life: Blue Shift, было анансавана ў 2000 годзе і выпушчана для Windows 12 чэрвеня 2001 года.[8]
Blue Shift ставіць гульца ў становішча Барні Кэлхуна, ахоўніка, які працуе ў Black Mesa. Дзеянне гульні адбываецца ў першых частках Half-Life, калі Кэлхун спрабуе збегчы з аб’екта з невялікай групай навукоўцаў.
Decay[правіць | правіць зыходнік]
Трэцяе дапаўненне, Half-Life: Decay, было выпушчана выключна для PlayStation 2.[9] Decay з’яўляецца унікальнай у серыі Half-Life як адзіная сумесная гульня — два гульцы павінны працаваць разам, каб прайсці гульню.[10] Decay засяроджваецца на дзвюх калегах Фрымена, Джыне Крос і Калет Грын, якія спрабуюць супрацьстаяць наступствам прасторавай расколіны і пазней яе ліквідаваць.
Была выпушчана 14 лістапада 2001 года, неафіцыйны порт для Windows быў выпушчаны ў верасні 2008 года.[11]
Half-Life 2[правіць | правіць зыходнік]
16 лістапада 2004 года Valve выпусціла Half-Life 2. Галоўным героем зноў з’яўляецца Гордан Фрыман. Дзеянне адбываецца праз дваццаць гадоў пасля выхаду першай гульні[12]. Па сюжэце Зямля была акупавана міжпрасторавай расай Альянс, якая выкарыстала падзеі першай гульні для ўварвання. Фрыман трапляе ў Горад 17 для барацьбы з акупантам.
Half-Life 2 лічыцца адной з найвялікшых відэагульняў усіх часоў. Яна атрымала высокую ацэнку за поспехі ў галіне камп’ютэрнай анімацыі, гуку, апавядання, камп’ютарнай графікі, штучнага інтэлекту і фізікі. Ёй было прысуджана больш за 35 узнагарод «Гульня года».
Half-Life 2 была першай гульнёй, якая выкарыстоўвала сістэму лічбавага распаўсюджвання Steam ад Valve.
Lost Coast[правіць | правіць зыходнік]
27 кастрычніка 2005 года Valve выпусціла Lost Coast. Гэта кароткая тэхнічная дэма-версія была прызначана для дэманстрацыі тэхналогіі HDR[13] і складалася толькі з адной карты, выразанай з арыгінальнай Half-Life 2[14].
Episode One[правіць | правіць зыходнік]
У маі 2006 года Valve анансавала трылогію дапаўненняў, якія працягвалі б гісторыю Half-Life 2. Прэзідэнт Valve, Гейб Ньюэлл, сказаў, што такі падыход дазволіць Valve хутчэй выпускаць прадукты і што ён лічыць гэтую трылогію эквівалентам Half-Life 3.[15]
Episode One быў выпушчаны 1 чэрвеня 2006 года. Па сюжэце Фрыман і Алікс уцякаюць з Горада 17, перш чым ядро рэактара цёмнай энергіі разбурыць яго.
Episode Two[правіць | правіць зыходнік]
Episode Two быў выпушчаны 10 кастрычніка 2007 года для Windows, Xbox 360 і PlayStation 3 як частка зборніка The Orange Box. Па сюжэце Фрыман і Алікс павінны дабрацца да базы паўстанцаў з важнай інфармацыяй наконт Альянсу.
Half-Life: Alyx[правіць | правіць зыходнік]
Valve выпусціла гульню ў віртуальнай рэальнасці (VR) Half-Life: Alyx 23 сакавіка 2020 года для Windows.[16] Гэта прыквел да Half-Life 2, у якім Алікс і яе бацька Элай ствараюць падполле супраць Альянсу ў Горадзе 17.
Valve назвала Half-Life: Alyx сваей флагманскай VR-гульнёй. Яна была распрацавана з выкарыстаннем рухавіка Source 2 і падтрымлівае ўсе ПК-сумяшчальныя гарнітуры VR.
Знешнія спасылкі[правіць | правіць зыходнік]
- Афіцыйны сайт Half-Life (руск.)
Крыніцы[правіць | правіць зыходнік]
- ↑ The Final Hours of Half-Life(недаступная спасылка). GameSpot. Архівавана з першакрыніцы February 23, 2011. Праверана September 12, 2006.
- ↑ Half-Life(недаступная спасылка). IGN. Архівавана з першакрыніцы February 3, 2012. Праверана October 23, 2008.
- ↑ Awards and Honors. Valve. Архівавана з першакрыніцы November 20, 2012. Праверана November 14, 2005.
- ↑ Cifaldi. The Gamasutra Quantum Leap Awards: First-Person Shooters. Gamasutra (1 верасня 2006). Архівавана з першакрыніцы May 11, 2013. Праверана February 16, 2009.
- ↑ IGN's Top 100 Games(недаступная спасылка). IGN (25 ліпеня 2005). Архівавана з першакрыніцы October 9, 2014. Праверана February 19, 2009.
- ↑ Half-Life: Opposing Force. Steam. Valve. Архівавана з першакрыніцы November 20, 2008. Праверана November 19, 2008.
- ↑ Half-Life Expands(недаступная спасылка). IGN (15 красавіка 1999). Архівавана з першакрыніцы November 9, 2012. Праверана November 18, 2008.
- ↑ Half-Life: Blue Shift(недаступная спасылка). IGN. Архівавана з першакрыніцы June 13, 2011. Праверана October 26, 2008.
- ↑ Half-Life(недаступная спасылка). IGN. Архівавана з першакрыніцы February 3, 2012. Праверана October 23, 2008.
- ↑ Fielder. E3 2001 Hands-on Half-Life. GameSpot (17 мая 2001). Архівавана з першакрыніцы September 21, 2017. Праверана October 23, 2008.
- ↑ Meer. Half-Life: The Lost Chapter. Rock Paper Shotgun (28 верасня 2008). Архівавана з першакрыніцы October 31, 2008. Праверана October 24, 2008.
- ↑ Half-Life: The Story so Far(недаступная спасылка). Valve. Архівавана з першакрыніцы July 25, 2008. Праверана March 24, 2008.
- ↑ Lee. Half-Life 2: Aftermath and Lost Coast(недаступная спасылка). 1UP.com (29 жніўня 2005). Архівавана з першакрыніцы May 22, 2011. Праверана November 20, 2008.
- ↑ Accrado. Half-Life 2: The Lost Coast (PC). GameSpy (28 кастрычніка 2005). Архівавана з першакрыніцы October 11, 2012. Праверана October 17, 2008.
- ↑ Bramwell. Opening the Valve. Eurogamer (6 чэрвеня 2006). Архівавана з першакрыніцы February 15, 2012. Праверана August 28, 2017.
- ↑ 12 big things we learned about Half-Life: Alyx. PC Gamer (21 лістапада 2019). Архівавана з першакрыніцы November 23, 2019.