Агульная даўжыня прадстаўнікоў гэтага роду вагаецца ад 10 да 21 см. Галава масіўная, трохі пляскатая. Вочы трохі выпуклыя з гарызантальнымі зрэнкамі. Язык мае форму эліпса. Зубы размешчаны вуглом у форме літары «V». Тулава каржакаватае, тоўстае. Маюць лёгкія. Канечнасці адносна кароткія, маюць 5 пальцаў. Рэберныя канаўкі і кастальныя разоры добра прыкметныя. Хвост магутны.
Афарбоўка большай часткі карычневага, бураватага, шараватага або чорнага колеру з чырванаватым і жаўтлявым адценнем.
Аддаюць перавагу праточным вадаёмам у горнай мясцовасці. Сустракаюцца на вышыні ад 50 да 3000 м над узроўнем мора. Вядуць паўводны спосаб жыцця. Актыўныя ноччу. Сілкуюцца рознымі насякомымі і членістаногімі.
Гэта яйцакладныя амфібіі. Лічынкі развіваюцца ў стаялай вадзе.
Darrel R. Frost: Amphibian Species of the World: an Online Reference. Version 5.5 (31 January, 2011). Electronic Database accessible at http://research.amnh.org/vz/herpetology/amphibia/ American Museum of Natural History, New York, USA.
AmphibiaWeb: Information on amphibian biology and conservation. 2008. Berkeley, California: Hynobius. AmphibiaWeb, available at http://amphibiaweb.org/. (Accessed: July 28, 2008).