Maytenus magellanica

Maytenus magellanica
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Брызглінакветныя Сямейства:  Брызглінавыя Падсямейства:  Celastroideae Род:  Maytenus Від:  Maytenus magellanica
Міжнародная навуковая назва
Maytenus magellanica (Lam.) Hook. f.
Сістэматыка на Віківідах Выявы на Вікісховішчы NCBI   1081521 GRIN   t:23513 IPNI   161977-1 TPL   tro-6600178

Maytenus magellanica — від роду Maytenus сямейства брызглінавыя (Celastraceae). Адзіны від роду, які расце ў халодным клімаце.

Арэал

Арэал уключае вобласць Магеланавага праліва — поўдзень Патагоніі і Вогненную Зямлю. У Чылі можа расці на поўначы аж да Вальдыўскіх лясоў і вострава Чылаэ, на поўдні сустракаецца на мысе Горн. Разам з відам Nothofagus antarctica гэта самае паўднёвае дрэва на Зямлі. У гарах можа расці на вышыні да 800 м над узроўнем мора, радзей — вышэй.

Апісанне віду

Невысокае вечназялёнае дрэва вышынёй да 5 м. Лісце дробнае (да 5 см у даўжыню і да 3 см у шырыню), зубчастае, скурыстае, з хвосцікам 2-6 мм. Плод — каробачка са створкамі, якія змяшчаюць 1 або 2 насеніны. Кветкі дробныя, аднаполыя або двухполыя. Расліны марозаўстойлівыя, але не выносяць спякоту і засуху.

Выкарыстанне

У месцах вырастання выкарыстоўваецца як дэкаратыўная расліна, жывая агароджа.

Від інтрадукаваны ў месцы з такім самым кліматам: у Шатландыю, на Фарэрскія астравы і ўзбярэжжа штата Вашынгтон.