Зязюлін лён

Зязюлін лён
Зязюлін лён звычайны (Polytrichum commune)
Навуковая класіфікацыя
прамежныя рангі Дамен:  Эўкарыёты Царства:  Расліны Нададдзел:  Мохападобныя Аддзел:  Імхі Клас:  Polytrichopsida Парадак:  Polytrichales Сямейства:  Палітрыхавыя Род:  Зязюлін лён
Міжнародная навуковая назва
Polytrichum
Сістэматыка на Віківідах Выявы на Вікісховішчы ITIS   15758 NCBI   3212 EOL   88677 IPNI   ???

Зязю́лін лён, Лугавы́ лён, Палітрыхум (Polytrichum) — род брыевых імхоў сямейства палітрыхавых. Каля 100 відаў.

Апісанне

Двухдомныя, радзей аднадомныя, шматгадовыя часцей буйныя і цвёрдыя лістасцябловыя расліны, утвараюць рыхлыя дзярнінкі зялёнага, цёмна-, шыза-, жоўта-зялёнага, бураватага колеру. Сцябло вышынёй да 50 см, прамастойнае. Лісце цвёрдае, з доўгай плеўкавай похвай, ланцэтнае або лінейна-ланцэтнае, з суцэльным ці зубчастым краем, з завостранай верхавінкай. Каробачка са спорамі прызматычная да кубічнай на ножцы. Вечка з дзюбкай. Каўпачок з густымі і тонкімі валаскамі, якія нагадваюць ільняную пражу (адсюль назва), лёгка ападае.

Арэал і экалогія

Пашыраны пераважна ў халодных і ўмераных абласцях зямнога шара. На Беларусі 8 відаў:

• Polytrichum commune — Зязюлін лён звычайны
• Polytrichum formosum — Зязюлін лён прыгожы
• Polytrichum juniperinum — Зязюлін лён ядлоўцавы, ці Зязюлін лён прыальпійскі, ці Зязюлін лён сціснуты
• Polytrichum longisetum
• Polytrichum pallidisetum
• Polytrichum piliferum — Зязюлін лён валасканосны
• Polytrichum strictum
• Polytrichum swartzii

Расце ў лясах, на балотах, сырых лугах і інш.

Значэнне

Торфаўтваральнік.

Літаратура

• Зязюлін лён // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).

Спасылкі

• Политрихум — род Polytrichum: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Polytrichum (англ.) // The Plant List
• Polytrichum // ИАС «ООПТ России» (руск.)