Вырастаюць да максімальнай даўжыні 40 см. Дарослыя асобіны, як правіла, цёмна-шаравата-чорныя з шырокім, паўлунным жоўтым плаўніком і жоўтым хвастом. Спінны плаўнік мае 12 шыпоў і 19-20 мяккіх прамянёў, выцягнутых у ніткі, якія развіваюцца за рыбай у час плавання. Анальны плаўнік мае 3 шыпа і ад 18 да 20 мяккіх прамянёў. Грудныя плаўнікі маюць ад 17 да 18 прамянёў. Маладыя асобіны маюць зусім іншы знешні выгляд. У іх асноўны колер сталёва-сіні з шэрагам вертыкальных, звілістых палос белага і бледна-блакітнага колераў[3].
Сустракаецца ўздоўж ўсходняга ўзбярэжжа Афрыкі на глыбіні да 15 метраў. Яго арэал распасціраецца ад Чырвонага мора і Адэнскага заліва да Занзібара. Можа быць знойдзены таксама ў Персідскім заліве. Ёсць непацверджаныя назіранні гэтага віду ля ўзбярэжжа Фларыды. Яго месцапражыванні ўключаюць прыбярэжныя рыфы з цвёрдымі і мяккімі караламі, расколіны і вусці пячор. Від баязлівы, што робіць цяжкімі яго назіранні.
