Pomacanthidae

З пляцоўкі Вікіпедыя
Jump to navigation Jump to search
Pomacanthidae
Blaukopf-Kaiserfisch (Pomacanthus xantometopon) 01.jpg
Pomacanthus xanthometopon
Навуковая класіфікацыя
Міжнародная навуковая назва

Pomacanthidae

Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS  553237
NCBI  30862
EOL  5260
FW  266308

Pomacanthidae — сямейства марскіх прамянёвапёрых рыб з атраду акунепадобных (Perciformes). Валодаюць яркай, стракатай афарбоўкай. Раней лічыліся падсямействам Chaetodontidae, аднак на працягу часу было выяўлена столькі марфалагічных адрозненняў, што іх вылучылі ў асобнае сямейства. Налічваюць звыш 85 відаў.

Знешні выгляд[правіць | правіць зыходнік]

Акрамя яркай афарбоўкі, адрозніваюцца плоскім целаскладам і высокай спіной. Характэрным для гэтага сямейства з'яўляецца магутны, накіраваны назад шып, які знаходзіцца на ніжнім баку жабраў і адрозніваецца па афарбоўцы ад астатняга цела. Гэты шып з'яўляецца самай надзейнай адметнай прыкметай ад Chaetodontidae, знешнасць якіх вельмі падобная, але ў якіх ён цалкам адсутнічае. Даўжыня складае ад 6 да 60 см. Маладыя рыбіны часта афарбаваныя кардынальна іншым чынам, чым дарослыя асобіны. Яны могуць жыць у арэале дарослых рыб, якія іх не гоняць. У цэлым, аднак, прадстаўнікі сямейства праяўляюць агрэсіўныя паводзіны ў адносінах да суродзічаў. Адрозненне ў афарбоўцы настолькі вялікае, што маладых асобін раней лічылі асобнымі відамі.

Распаўсюджанне[правіць | правіць зыходнік]

Жывуць у трапічных шыротах усіх сусветных мораў. Дзевяць відаў сустракаюцца ў Атлантычным акіяне, астатнія ў Індыйскім і Ціхім акіяне. Гэтыя рыбы аддаюць перавагу жыццю паблізу каралавых рыфаў.

Харчаванне[правіць | правіць зыходнік]

Вельмі разнастайныя стратэгіі па харчаванні. Некаторыя з іх ўсяедныя і іх ежа ўяўляе сабой шырокую палітру ад водарасцяў да дробных жывёл. Іншыя харчуюцца толькі губкамі і водарасцямі. Прадстаўнікі роду Apolemichthys харчуюцца выключна губкамі, Genicanthus — зоапланктонам, Centropyge — водарасцямі. Маладыя асобіны, а таксама і дарослыя ў некаторых рэгіёнах, да прыкладу каля Галапагоскіх астравоў, чысцяць больш буйных рыб, ядучы паразітаў з іх лускі.

Паводзіны[правіць | правіць зыходнік]

Жывуць, як правіла, парамі або ў невялікіх гарэмных групах, якія складаюцца з аднаго самца і некалькіх самак. На рыфах у іх выразныя арэалы, якія яны абараняюць ад супернікаў. У буйных прадстаўнікоў сямейства памер арэалаў можа складаць звыш 1000 м², у карлікавых яны могуць складаць толькі адну каралавую калонію. У дачыненні да суродзічаў-супернікаў дзейнічаюць энергічна і агрэсіўна. Прадстаўнікі роду Pomacanthus выдаюць пры гэтым гучныя гукі-шчолканні.

Класіфікацыя[правіць | правіць зыходнік]

У сямействе 8 родаў з 90 відамі[1]:

Зноскі

  1. FishBase: SpeciesList of Pomacanthidae