Памер складае 16-21 мм. Размах крыла — 38-46 мм. Крылы белыя ў абодвух палоў, з рэдкімі цёмнымі кропкамі, у самак звычайна больш шматлікімі і выбудаванымі ў шэраг ля вяршыні пярэдніх крылаў. Вельмі падобная на Spilosoma lubricipeda, адрозненні заключаюцца ў наступным: па-першае, звычайна ў Spilosoma lubricipeda чорныя кропкі на пярэдніх крылах больш шматлікія, чым у Spilosoma urticae, па-другое, у Spilosoma lubricipeda стрыжань вусіка чорнага колеру, тады як у Spilosoma urticae — белы. Хабаток рэдукаваны.
