Крапіва[3] (Urtīca) — род кветкавых раслін сямейства крапіўныя. Сцеблы і лісце пакрытыя пякучымі валасінкамі (якія далі лацінскую назву: лац.: Ūrō — «пяку»). Род ўключае ў сябе каля 40-45 відаў. Растуць, у асноўным, у зоне ўмеранага клімату ў Паўночным і (радзей) Паўднёвым паўшар'ях. У Беларусі 5 відаў[4]: найбольш распаўсюджаны крапіва двухдомная (Urtica dioica) і жыгучка (Urtica urens). Рэдкі від, занесены ў Чырвоную кнігу — крапіва кіеўская (Urtica kioviensis). Таксама сустракаюцца Urtica galeopsifolia і Urtica sondenii.
