Спірэя японская

З пляцоўкі Вікіпедыя
(Пасля перасылкі з Spiraea japonica)
Jump to navigation Jump to search
Спірэя японская
0 Spiraea japonica (2) - Yvoire.JPG
Навуковая класіфікацыя
Міжнародная навуковая назва

Spiraea japonica L.f., 1781

Сінонімы
  • Spiraea bumalda Burv.
    Spiraea japonica var. alpina Maxim
Commons-logo.svg
Выявы
на Вікісховішчы
ITIS  25335
NCBI  309823
EOL  627220
GRIN  t:35295
IPNI  742319-1
TPL  rjp-462

Спірэя японская[3] (Spiraea japonica) — від лістападных дэкаратыўных кустоў сямейства ружавыя (Rosaceae).

Батанічнае апісанне[правіць | правіць зыходнік]

Spiraea japonica a1.JPG
Суквецці

Spiraea japonica мае простае лісце на жылаватых, свабодна галінаваных, прамых сцеблах. Сцеблы ад карычневага да чырвона-карычневага колеру, круглыя ​​ў перасеку. Куст дасягае ад 1.2 метра да амаль 2 метраў у вышыню і амаль столькі ж у шырыню. Лісце, як правіла, авальнай формы ад 2,5 см да 7,5 см даўжынёй, мае зубчастае поле і чаргуецца ўздоўж сцябла. Суквецці ружовых кветак знаходзяцца на канцах галін. Насенне прыблізна 2.5 мм у даўжыню і знаходзіцца ў невялікіх бліскучых капсулах.

Арэал[правіць | правіць зыходнік]

Від паходзіць з Японіі, Кітая і Карэі. Паўднёва-Заходні Кітай з’яўляецца цэнтрам па захаванні біяразнастайнасці віду.

Выкарыстанне[правіць | правіць зыходнік]

Гэта звычайны дэкаратыўны від. Высокія формы вырошчваюцца як жывыя загарадзі. Нізкарослыя формы выкарыстоўваюцца ў якасці глебапакроўных раслін або для бардзюраў.

Агратэхніка[правіць | правіць зыходнік]

Рэкамендуецца вясновая абрэзка. Парасткі кароцяць да вышыні 15-20 см ад узроўня глебы. Улетку выдаляюць адцвілыя суквецці для падтрымання дэкаратыўнай формы куста.

Натуральныя разнавіднасці[правіць | правіць зыходнік]

  • Spiraea japonica var. acuminata Franch.
    syn.:Spiraea bodinieri H. Lev., Spiraea bodinieri var. concolor H. Lev., Spiraea esquirolii H. Lev.
  • Spiraea japonica var. fortunei (Planch.) Rehder
    syn.: Spiraea fortunei Planch., Spiraea japonica var. fortunei Koidz.
  • Spiraea japonica var. glabra (Regel) Koidz.
    syn.: Spiraea callosa var. glabra Regel
  • Spiraea japonica var. japonica
    syn.: Spiraea callosa Thunb.[4]

Дэкаратыўныя формы[правіць | правіць зыходнік]

'Gold Mound'
'Crispa'
'Goldflame'
'Anthony Waterer'
'Golden Princess'
  • var. glabra (Regel) Koidz. Вышыня і шырыня куста да 1,5 м[5].
  • 'Alpina'. Вышыня куста каля 40 см, дыяметр кроны каля 80 см. Парасткі густаапушаныя, жаўтлявыя. Лісце зверху цёмна-зялёнае, знізу шызаватае. Кветкі светла-ружовыя. Квітнее ў ліпені — жніўні[5].
  • 'Crispa'. Вышыня куста 50-60 см, шырыня 70-80 см. Лісце яйкападобнае, разрэзанае, хвалістае, пры з’яўленні чырванаватае, пазней светла-зялёнае, увосень пунсовае або памяранцава-бронзавае. Суквецці да 5,5 см у дыяметры. Кветкі бледна ружова-ліловыя. З’яўляюцца на канцах леташніх парасткаў у ліпені, цвіценне працягваецца 1,5 — 2 месяцы[6].
  • 'Darts Red' ('Dart`s Red'). Формай куста нагадвае 'Little Princess'. Бутоны маюць ружовую афарбоўку, кветкі інтэнсіўна пурпурныя[7].
  • 'Genpei' ('Shirobana'). Вышыня куста 0,6-0,8 м, шырыня каля 1 м. Парасткі чырвона-карычневыя, лісце цёмна-зялёнае. Кветкі белага, ружовага і чырвонага колеру адначасова прысутнічаюць у кожным суквецці. Цвіценне: ліпень-жнівень[8].
  • 'Golden Carpet'. Вышыня куста каля 20 см, шырыня каля 38 см. Лісце ланцэтнае, гладкае, залацістыя, 2×1 см. Парасткі сцелюцца, размешчаны шчыльна. Кветак няма або іх вельмі мала. Кветкі зелянява-ружовыя. У адкрытым грунце цвіце з чэрвеня па верасень, цвіценне мае рэдкі, выпадковы характар. Насенне і плады не назіраліся. Ад 'Little Princess' адрозніваецца амаль поўнай адсутнасцю цвіцення і меншымі памерамі куста. Выкарыстоўваецца ў ЗША і Канадзе для афармлення палёў для гольфу[9].
  • 'Golden Princess'. Куст вышынёй каля 50 см. З моманту з’яўлення і да жніўня лісце жоўта-зялёнае. кветкі ружовыя[7]. Цвіце ў чэрвені-ліпені.
  • 'Gold Mound'. Куст вышынёй да 1 м. З моманту з’яўлення і да жніўня лісце жоўта-зялёнае. кветкі ружовыя[7].
  • 'Green Carpet'. Вышыня куста каля 17 см, шырыня каля 34 см. Лісце ланцэтнае, гладкае, зялёнае, размешчана, як правіла, сіметрычна. Даўжыня: каля 2 см. Шырыня: каля 1 см. Кветак няма або іх вельмі мала. Кветкі ружовыя. У адкрытым грунце цвіце з чэрвеня па верасень, цвіценне мае рэдкі, выпадковы характар. Насенне і плады не назіраліся. 'Green Carpet' падобны па колеры лісця на расліны 'Little Princess'. Адрозніваецца ўдвая меншымі памерамі і адсутнасцю або слабай выяўленасць цвіцення[10].
  • 'Goldflame'. Вышыня куста да 60-80 см, дыяметр да 1 метра. Лісце даўгаватае, па краі зубчастае, 5-8 см даўжынёй. Маладое лісце памяранцава-чырвонага або бронзава-залацістага колеру. Пазней лісце становяцца ярка-жоўтым, і жоўта-зялёным да моманту цвіцення. Восеньская афарбоўка лісця — медна-аранжавага з золатам (на кіслых глебах — ярчэй). Часам на кусце з’яўляецца пярэстае лісце. Цвіценне багатае. Кветкі дробныя, ярка-ружовыя. Цвіце з канца чэрвеня па сярэдзіну жніўня, сярэдняя працягласць цвіцення — 50 дзён[11].
  • 'Little Princess'. Вышыня куста да 0,8 метра. Крона да 1,2 метра ў дыяметры, круглявая, кампактная, шчыльная, насычанага зялёнага колеру. Увосень лісце жоўкне. Гадавы прырост 0,1 м у вышыню і 0,15 м у шырыню. Бутоны зялёныя. Кветкі: ружова-чырвоныя, дробныя, дыяметрам 0,5 см, сабраны ў шчыткападобныя суквецці на канцах галін, дыяметр суквеццяў 3-4 см. Цвіце ў чэрвені-ліпені 30-45 дзён. Сорт святлалюбівы, выносіць лёгкае зацяненне[7][12].
  • 'Makrophylla'. Вышыня куста 1,3 м, дыяметр да 1,5 м. Лісце буйное, уздутае, маршчыністае, да 20 см даўжынёй і 10 см шырынёй, пурпурна-чырвонае пры распусканні, з узростам зелянее, восенню жаўтлявае. Суквецці дробныя, ружовыя[7].
  • 'Nana'. Вышыня куста 20 — 30 см. Кветкі ружовыя, цвіце з сярэдзіны ліпеня да сярэдзіны жніўня[7].
  • 'Froebelii'. Куст 0,8-1,2 метра ў дыяметры. Крона шарападобная, галіны прамыя. Лісце шырокаяйкападобнае, пурпурнаг вясной і ўвосень, летам — зялёнае. Цвіце з ліпеня да сярэдзіны верасня. Суквецці буйныя друзлыя шчыткападобныя, насычана-малінавага колеру[13].
  • 'Ruberrima'. Куст вышынёй да 1,3 м. Кветкі кармінава-чырвоныя[5].
  • 'Shirobana'. Куст круглявы, вышынёй каля 60 см. На адным і тым жа суквецці прысутнічаюць і белыя і ружовыя кветкі[7].

Зноскі

  1. Ужываецца таксама назва Пакрытанасенныя.
  2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
  3. Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 126. — 160 с. — 2 350 экз.
  4. Spiraea japonica на сайце The Plant List
  5. 5,0 5,1 5,2 Летнецветущие спиреи. На сайце Энциклопедия декоративных садовых растений
  6. 'Crispa' на сайце Россельхозпитомник
  7. 7,0 7,1 7,2 7,3 7,4 7,5 7,6 Мартикайнен Н. Такие разные спиреи.
  8. 'Genpei' ('Shirobana') на сайте Россельхозпитомник
  9. 'Golden Carpet' на сайце Россельхозпитомник
  10. http://www.rshpitomnik.ru/prodaga/listvennye/spirei/spireya_yaponskaya_grin_karpet/ Spiraea japonica 'Green Carpet' на сайце Россельхозпитомник
  11. 'Goldflame' на сайце Россельхозпитомник
  12. 'Little Princess' на сайте Россельхозпитомник
  13. 'Froebelii' на сайце Россельхозпитомник

Літаратура[правіць | правіць зыходнік]

  • Dirr, M.A. 1986. Spiraeas of the japonica group are summer garden aristocrats. American Nurseryman 163:54-56.