Star Wars: The Old Republic

Star Wars: The Old Republic
Распрацоўшчык	BioWare
Выдаўцы	Electronic Arts
Частка серыі	Star Wars: Knights of the Old Republic[d]
Дата анонсу	21 кастрычніка 2008 году
Даты выпуску	20 снежня 2011 году
Ліцэнзія	прапрыетарная
Апошняя версія	7.5.1c (1 кастрычніка 2024)
Жанр	ралевая гульня
Стваральнікі
Сцэнарыст	Hall Hood[d]
Праграміст	David Scott[d]
Кампазітар	Mark Griskey[d]
Тэхнічныя даныя
Платформа	Windows
Гульнявы рухавік	HeroEngine
Рэжым гульні	шматкарыстальніцкая гульня
Мова інтэрфейсу	Англійская мова, нямецкая мова, французская мова
Носьбіты	аптычны дыск, Steam і лічбавае распаўсюджванне
Кіраванне	камп’ютарная клавіятура
Афіцыйны сайт (англ.)​ (ням.)​ (фр.)

Star Wars: The Old Republic (з англ. — «Зорныя Войны: Старая Рэспубліка») — сюжэтная шматкарыстальніцкая гульня распрацаваная падраздзяленнем Bioware у Остыне, штат Тэхас, ЗША. Падзеі ў гульні адбываюцца праз 300 гадоў пасля гульняў серыі Knights of the Old Republic. Гульня стала першай цалкам агучанай ММА, на дадзены момант ёсць версіі на англійскай, французскай і нямецкай мовах. Гульня была анансавана 21 кастрычніка 2008 года. Выпуск адбыўся 20 снежня 2011 года. 15 лістапада 2012 года гульня перайшла на free-to-play мадэль.

Гульнявы працэс

У самым пачатку гульні на выбар прапануецца бок, раса, пол і гэтак далей. Дзеянні гульні адбываюцца за 3500 год да пачатку падзей кінафільмаў, гэты сэттынг даў амаль поўную свабоду распрацоўшчыкам, без неабходнасці прывязвацца да звыклых тэм. Гулец можа ўстаць на бок Імперыі Сітхаў або Галактычнай Рэспублікі. Процілеглыя бакі маюць розны стыль гульні, заданні і сродкі перамяшчэння. Таксама існуюць заданні, якія можна выконваць аднаму, без падтрымкі. Паводзіны ў NPC могуць быць розныя, у залежнасці ад абранай гульцом сюжэтнай лініі.

Распрацоўка

Star Wars: The Old Republic – першы вопыт кампаніі BioWare на рынку MMORPG, а таксама другая MMORPG ў Сусвеце Star Wars пасля Star Wars: Galaxies. Распрацоўнікі з BioWare даўно былі зацікаўлены ў працы над MMORPG, але чакалі «правільных партнёраў, правільную каманду, правільную інтэлектуальную ўласнасць». Галоўная роля ў гульні адведзена развіццю індывідуальных гісторый для кожнага персанажа. У кастрычніку 2008 гады BioWare заявіла, што гульня будзе ўтрымоўваць больш сюжэтнага кантэнту, чым усе яе іншыя гульні разам узятыя. Каманда з 12 сцэнарыстаў марнуе больш часу на працу над сюжэтам, чым якія-небудзь іншыя распрацоўшчыкі. Галоўная роля ў гульні адведзена развіццю індывідуальных гісторый для кожнага персанажа.

Першы трэйлер пад назвай «Deceived» быў паказаны на выставе E3 1 чэрвеня 2009 года. 29 верасня 2009 года распрацоўшчыкі сталі прымаць заяўкі на ўдзел у тэсце гульні. На працягу некалькіх хвілін сайт не спраўляўся з нагрузкай і з'явіліся тэхнічныя праблемы. Пазней сайт быў адчынены, ужо з улікам вялікай колькасці наведвальнікаў. Другі трэйлер пад назвай «Hope» выйшаў 14 чэрвеня 2010 года. 9 ліпеня 2010 года прайшло тэсціраванне гульні гульцамі Паўночнай Амерыкі. У верасні таго ж года на афіцыйным сайце быў паказаны персанаж Рэван і інфармацыя аб ім, аб яго ролі ў гульні. 6 чэрвеня 2011 года выйшаў трэці трэйлер пад назвай «Return».

21 ліпеня 2011 года Electronic Arts і BioWare пачалі прымаць папярэднія загады на гульню. Аднак папярэдні заказ немагчымы ў Аўстраліі і Акіяніі, таксама там гульня выйдзе пазней. Галоўная прычына — пазбяганне любых праблем, звязаных з вялікай нагрузкай на ММА. Аднак у BioWare заявілі, што не будуць блакаваць ад гульні якія-небудзь рэгіёны Аўстраліі і Акіяніі ці IP-адрасы, за куплю гульні з іншага рэгіёна. Акрамя таго, гульцы з Аўстраліі і Новай Зеландыі нават змаглі паўдзельнічаць у бэта-тэсце гульні.

11 кастрычніка 2011 года BioWare пацвердзіла яшчэ раз, што гульня па ўсім свеце будзе выпушчана 20 снежня 2011 года. Аднак дата выхаду ў Аўстраліі і Акіяніі яшчэ невядомая.

Агульны кошт праекта ацэньваецца прыкладна ў 200 млн долараў. У распрацоўцы гульні прымала ўдзел больш за 800 чалавек на чатырох кантынентах, а ў агучванні 4 000 персанажаў на трох мовах было задзейнічана больш за тысячу акцёраў.

Прадажы і бюджэт гульні

Праект абыйшоўся распрацоўшчыкам больш чым у 160 мільёнаў долараў. Па падліках аналітыкаў, калі ў гульні будзе хаця б 400 000 падпісчыкаў, то гульня стане прыбытковай.

У брытанскім чарце гульняў Star Wars: The Old Republic стартавала на 10 месцы.

Праз адзін тыдзень пасля выхаду гульні, колькасць падпісчыкаў перавысіла 1 мільён, а карыстачы правялі ў гульні сумарна 28 мільёнаў гадзін і стварылі 3,8 мільёнаў персанажаў. Выдавецтва Electronic Arts лічыць, што гульня стала самым хуткарослым ММА-праектам у гісторыі.

Рэкордная колькасць падпісчыкаў была зарэгістраваная ў лютым 2012 года - 1,7 млн чалавек. Але ўжо да канца сакавіка, паводле справаздачы Electronic Arts, гэтая лічба панізілася да 1,3 млн чалавек.

Каб павысіць гульнявы рэйтынг і прадажы дадзенай гульні, у канцы ліпеня было абвешчана аб тым, што афіцыйны сервер з платнага, пяройдзе ва Free-to-play восенню. 11 лістапада Bioware абвясціла, што Free-to-play опцыя будзе ўведзеная 15 лістапада, з абнаўленнем 1.5 Game Update.

Мадэль аплаты

Пасля пераходу на Free-to-play мадэль статусы акаўнтаў падзяліліся на 3 опцыі – Subscriber, Preferred і Free-to-play.

Доступ да гульні са статусам Free-to-play поўнасцю бясплатны і з'яўляецца самым абмежаваным па магчымасцях. Так, напрыклад узровень персанажа ў дадзенай мадэлі абмежаваны 60-м узроўнем, базавай гульнёй і дадаткамі 2.0 і 3.0, немагчыма карыстацца некаторымі слотамі экіпіроўкі, рыхтаваць пэўнымі прадметамі персанажа, прымаць удзел у некаторых унутры гульнявых падзеях і г. т.