U2

U2
Група U2 у 2005 годзе
Асноўная інфармацыя
Жанры	альтэрнатыўны рок і пост-панк[d]
Гады	1976 — н. ч.
Краіна	Ірландыя
Горад	Дублін
Адкуль	Дублін
Лэйблы	Island Records MCA Music Interscope Mercury Records
Склад	Бона Эдж Адам Клейтан[d] Лары Мален[d]
u2.com
U2 на Вікісховішчы

U2 (вымаўляецца «Ю Ту») — рок-гурт з Дубліна, Ірландыя. Сфарміраваны ў 1976 годзе, U2, пачынаючы з сярэдзіны 80-х, з'яўляецца адным з самых папулярных і паспяховых гуртоў у свеце. Было прададзена каля 140 мільёнаў копій альбомаў гурта . Па стане на 2006 год у іх актыве дваццаць дзве прэміі «Грэмі» , больш, чым у любога іншага гурта ў свеце.

Група была сфарміравана, калі Бона (вакал і гітара), Эдж (гітара, клавішы і вакал) і Адам Клейтан (бас-гітара) адгукнуліся на аб'яву, размешчаную Лары Маленам-мал.; у той час яны былі падлеткамі-музыкантамі сярэдняй рукі. Да сярэдзіны 80-х яны выпусцілі 4 альбома і здабылі адданы рух фанатаў, большай часткай за кошт гастроляў, непаўторнага, які стаў візітнай карткай, выканання гітарных партый Эджам, голасу Бона і глыбокіх па зместу тэкстаў песень. Яны здабылі статус зорак з выхадам у 1987 годзе альбома The Joshua Tree, які часта завуць адным з найвялікшых альбомаў рока .

Напачатку 90-х яны адказалі на рэвалюцыю ў альтэрнатыўнай і танцавальнай музыцы, крытыку ў свой адрас, і тое, што, па іх меркаванні, было застоем у музыцы, альбомам Achtung Baby і грандыёзным шоў Zoo TV. Тым часам яны бесперастанку эксперыментуюць, даследуючы розныя музычныя кірункі.

Напачатку XXI стагоддзя U2 грае больш звыклую музыку, але выкарыстоўвае свае ранейшыя напрацоўкі і працягвае карыстацца поспехам у публікі і крытыкаў. У 2004 годзе гурт заняў 22 месца з 100 у рэйтынгу «Лепшыя артысты ўсіх часоў» (100 Greatest Artists of All Time) часопіса Rolling Stone . У 2005 яго ўключылі ў «Залу славы рок-н-рола».

Члены гурта вядомыя за сваю актыўную палітычную дзейнасць у сферы правоў чалавека і сацыяльнай справядлівасці: удзел у «Міжнароднай амністыі», Make Poverty History, кампаніі ONE, Live Aid, Live 8, DATA — Debt, AIDS, Trade in Africa Бона і Music Rising Эджа.

Крыніцы

• Chatterton, Mark (2001). U2: The Complete Encyclopedia. Firefly Publishing. ISBN 0-946719-41-1
• Flanagan, Bill (1995). U2 at the End of the World. Delacorte Press. ISBN 0-385-31154-0
• Parra, Pimm Jal de la (2003). U2 Live: A Concert Documentary. Omnibus Press. ISBN 0-7119-9198-7
• McCormick, Neil (ed), (2006). U2 by U2. HarperCollins Publishers. ISBN 0-00-719668-7
• Wall, Mick, (2005). Bono. Andre Deutsch Publishers. ISBN 0233001593 (Promotional edition published by Paperview U.K is association with the Irish Independent)

Спасылкі

• Афіцыйны сайт U2(англ.) 
• Тэксты песень