Weesp

З пляцоўкі Вікіпедыя
Перайсьці да навігацыі Перайсьці да пошуку
Weesp
Weesp1.jpg
Выступ гурта ў Мінску, 2014 год
Асноўная інфармацыя
Жанры Альтэрнатыўны рок
Метал
Гады 2008-па сённяшні дзень
Краіна Flag of Belarus.svg Беларусь
Горад Мінск
Мова песень Англійская
Лэйбл Zeppelin records
Склад Аляксей Фалько
Дзмітрый Будзько
Станіслаў Будзько
Міхаіл Залуцкі
Аляксей Галеснік
weespofficial.com
Commons-logo.svg Weesp на Вікісховішчы

Weesp – група, створаная ў 2008 годзе, выконвае цяжкую музыку, змешваючы такія стылі, як альтэрнатыўны рок і метал. Таксама Weesp адрознівае выкарыстанне вялікай колькасці аналагавых сінтэзатараў, што асабліва прыкметна на апошніх запісах гурта.

Гісторыя[правіць | правіць зыходнік]

Група была cтворана ў 2008 годзе Аляксеем Фалько, Дзмітрыем Будзько і Міхаілам Залуцкім. Да гэтага моманту музыкі гралі разам ужо каля пяці год. Натхняючыся такімі калектывамі, як The Prodigy, Nine Inch Nails, Red Hot Chilli Peppers, Korn і Metallica, яны неўзабаве выпрацавалі свой унікальны стыль: сумесь цяжкіх рыфаў з меладычнасцю і класічным гучаннем сінтэзатараў.

У 2008 гурт запісвае свой першы міні-альбом «ep2008vol.1», за якім у 2009 рушыў услед другі міні-альбом «Taste Of Steel». У тым жа годзе група канчаткова вызначаецца з назвай. Спачатку музыкі называюць сябе Wisp. Неўзабаве высветлілася, што музыка Рэйд Дан, які грае электронную музыку, ўжо выкарыстоўвае гэты псеўданім. Таму ў 2009 годзе група прыняла канчатковае рашэнне змяніць назву на Weesp.

2008 - ЕР «ep2008vol.1»[правіць | правіць зыходнік]

Свой першы міні-альбом «ep2008vol.1» Weesp пачалі запісваць у 2008 годзе, плануючы выдаць поўнафарматны альбом. Пасля запісу 9 трэкаў, група вырашае выпусціць усяго 3 песні ў фармаце ЕР. Назва міні-альбома падказвала, што будзе таксама і vol2, які, аднак, так ніколі і не быў выпушчаны.

2009 - «Taste of Steel» і «EXODUS:Origins»[правіць | правіць зыходнік]

Другі міні-альбом «Taste Of Steel» быў запісаны ў 2009 годзе. На апошніх этапах працы над запісам вакаліст Лекс нечакана прапануе дадаць партыю сінтэзатара. Такім чынам, прымешак электроннага гучання альбом набыў усяго за некалькі тыдняў да рэлізу.

У 2009 годзе ў групе адбываюцца змены складу. Weesp прымае рашэнне прыняць у групу Станіслава (Стака) Будзько, што дазволіла вакалісту Лексу, які раней выконваў партыі сінтэзатара, сфакусавацца на вакале і насычанасці сцэнічнага шоу. Да 2009 у групы назіраліся частыя змены ўдарніка, пакуль, амаль у адзін час са Стакам, да групы не далучыўся Аляксей (Гал) Галеснік, зацвердзіўшы, такім чынам, канчатковы склад калектыва.

Пазней у 2009 годзе Weesp выпускаюць эксперыментальны сінгл «Exodus:Origins», у якім дадаюць ноткі прагрэсіўнага металу і матрока да асноўнага гучання. Кампазіцыя з'яўляецца першай у трылогіі «Exodus».

2011 - «This Will Destroy Us» і «Our Own Gale»[правіць | правіць зыходнік]

У 2011 годзе Weesp выпускае альбом «This Will Destroy Us», які складаецца з шасці кампазіцый, уключаючы абноўленую версію тых, што раней выходзілі на сінгле «Exodus:Origins».

З альбомам «This Will Destroy Us» у гурта канчаткова сфармавалася сваё пазнавальнае гучанне.

Пасля рэлізу «This Will Destroy Us», група здымае сваё дэбютнае афіцыйнае відэа на песню «Livan». У перыяд з 2011 па 2014 Weesp выпускаюць яшчэ некалькі музычных кліпаў.

У 2011 на сваіх канцэртах Weesp пачалі выконваць кавер на культавы хіт «Omen» групы The Prodigy, трэк хутка заваяваў папулярнасць у слухачоў. Студыйная версія кавера была ўключана ў альбом «The Void».

2013 - «Caves Unplugged»[правіць | правіць зыходнік]

На стыку 2012-2013 гадоў Weesp запісвае акустычную версію кампазіцыі «Caves» з альбома «Taste of Steel» пад назвай «Caves unplugged». У тым жа годзе Weesp выпускаюць кліп на гэтую песню.

2015 - «The Void»[правіць | правіць зыходнік]

20 жніўня 2015 года Weesp выпускаюць свой першы поўнафарматны альбом «The Void», праца над якім вялася на працягу некалькіх гадоў.[1]

Запіс «The Void» як дэбютнага поўнафарматніка групы доўга адкладалася. Са слоў фронтмэна, „альбом адлюстроўвае ўражанні і вопыт, назапашаны музыкамі за папярэднія 10 гадоў жыцця. Менавіта па гэтай прычыне гучанне і настрой альбома часам істотна адрозніваецца ад песні да песні. У альбоме знайшлі сваё адлюстраванне як яркія юнацкія ўражанні, так і горкія ўрокі на сваіх памылках”.

У параўнанні з папярэднімі рэлізамі, у альбоме «The Void» чуваць больш электронікі, але яго ўсё роўна можна назваць рок/метал альбомам. Амерыканскі партал Damnation magazine[2] паказаў, што ў іх музыцы „прысутнічае гучанне метал-музыкі”.

Альбом уключае некалькі трэкаў, запісаных сумесна з Коры Бранданом з групы Norma Jean. Голас Коры можна пачуць у песнях «Solar Empire» і «Everything Burns».

У адрозненне ад папярэдніх альбомаў, «The Void» быў запісаны не на радзіме музыкаў, а на вядомай польскай студыі Hertz братамі Веслаўскімі, вядомымі па працы з такімі калектывамі як Behemoth і Vader.

Па стане на май 2017 года музыкі рыхтуюць новы альбом з працоўнай назвай «Black Sails».

Дыскаграфія[правіць | правіць зыходнік]

  • 2008«ep2008vol.1» (EP)
  • 2009«tasteofsteel» (міні-альбом)
  • 2011«This Will Destroy Us» (міні-альбом)

Сінглы[правіць | правіць зыходнік]

  • 2011«Exodus: origins»
  • 2011«Our Own Gale»
  • 2013«Caves unplugged»
  • 2015«Murderers»
  • 2015«Solar Empire»

Відэаграфія[правіць | правіць зыходнік]

Лайвы[правіць | правіць зыходнік]

Кліпы[правіць | правіць зыходнік]

Склад[правіць | правіць зыходнік]

  • Аляксей (Lex) Фалько – вакал, піяніна
  • Міхаіл (Mike) Залуцкі – гітара
  • Дзмітрый (Mi) Будзько – бас-гітара
  • Станіслаў (Stak) Будзько – электроніка
  • Аляксей (Gul) Галеснік – ударныя

Зноскі

  1. 1,0 1,1 Разносторонний альбом группы Weesp (+слушать) / Experty.by
  2. damnationmag Album Review: Weesp – The Void (недаступная спасылка). Damnation Magazine. Архівавана з першакрыніцы 22 лістапада 2015. Праверана 26 красавіка 2016.

Спасылкі[правіць | правіць зыходнік]