Белае (возера, басейн Дрысы)

Белае
Морфаметрыя
Вышыня над узроўнем мора	136 м
Даўжыня	1,6 км
Шырыня	1,1 км
Плошча	1 км²
Даўжыня берагавой лініі	6,2 км
Найбольшая глыбіня	19,6 м
Басейн
Плошча вадазбору	1,8 км²
Размяшчэнне
Краіна	Беларусь
Рэгіён	Віцебская вобласць
Белае
Белае
Медыяфайлы на Вікісховішчы

Бе́лае — возера ў Полацкім раёне Віцебскай вобласці ў басейне ракі Дрыса. Знаходзіцца за 14 км на паўночны захад ад горада Полацк каля вёскі Азіна.

Плошча паверхні возера складае 1 км. Даўжыня 1,6 км, найбольшая шырыня 1,1 км. Найбольшая глыбіня дасягае 19,6 м.
Катлавіна возера складанага тыпу. Схілы катлавіны вышынёй да 25 м. Берагавая лінія звілістая, у заходняй частцы возера ўтварае некалькі заліваў і мысоў. Даўжыня берагавой лініі 6,2 км. Берагі возера пясчаныя і спадзістыя. Мелкаводдзе[[|]] пясчанае, глыбей дно возера складзена з заглеенага пяску і глею. Возера бяссцёкавае.
Падводная расліннасць пашырана да глыбіні 8——12 м. На возеры расце палушнік азёрны — від, занесены ў Чырвоную кнігу Рэспублікі Беларусь.

Літаратура

• Беларуская энцыклапедыя: У 18 т. Т.2: Аршыца — Беларусцы / Рэдкал.: Г. П. Пашкоў і інш. — Мн.: БелЭн, 1996. — Т. 2. — 480 с. — 10 000 экз. — ISBN 985-11-0061-7 (т. 2).
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 20. — 72 с. — 10 000 экз. — ISBN 978-985-508-136-5. (руск.)

Спасылкі

• Озёра Полоцкого района (руск.)