Марыя Канапніцкая

Марыя Канапніцкая

Марыя КАНАПНІЦКАЯ (польск.: Maria Konopnicka; 23 мая 1842, Сувалкі — 8 кастрычніка 1910, Львоў) — польская пісьменніца, паэтэса, перакладчыца.

Дэбютавала ў 1870 г. Аўтар вершаў і рэалістычных навел пра жыццё вёскі і гарадской беднаты, на грамадскую і псіхалагічную тэматыку («Міласэрнасць абшчыны», «Мендаль Гданьскі» і інш.). Шырока вядомыя паэма М. Канапніцкай пра долю сялян-эмігрантаў «Пан Бальцэр у Бразіліі», аповесць для дзяцей «Пра гномаў і сіротку Марысю», цыклы народных песняў «З лугоў і палёў», «На жалейцы». Таксама вядомая як публіцыстка і літаратурны крытык.

Актыўна займалася дзейнасцю па абароне правоў жанчын.

Літаратура

• Канапніцкая М.: (вершы) / Перакл. Я. Купалы, В. Сёмухі // Роднае слова. — 2002. № 4.