Парафін: Розніца паміж версіямі

З Вікіпедыі, свабоднай энцыклапедыі
[недагледжаная версія][недагледжаная версія]
дапаўненне
др Renessaince перанёс старонку Парафін у Парафіна: Артаграфія
(Няма розніцы)

Версія ад 11:30, 25 лютага 2016

Парафін

Парафін — сумесь насычаных вуглевадародаў (алканаў) складу ад С18Н38 да С35Н72. Можа ўтрымліваць цыклічныя вуглевадароды.

Бясколернае крышталічнае рэчыва, тлустае навобмацак, без паху. Шчыльнасць 0,880—0,915 г/см³ (пры 15 °C). Тэмпература плаўлення 40—65 °C. Не раствараецца ў вадзе і этаноле, раствараецца ў большасці арганічных растваральнікаў, мінеральных маслах. У звычайных умовах устойлівы да кіслот, шчолачаў, галагенаў. Акісляецца азотнай кіслатой, кіслародам паветра (пры 140 °C) у прысутнасці каталізатараў[1] да тлустых кіслот. Рэагуе з хлорам з утварэннем хлорпарафінаў[2].

Парафін — гаручае рэчыва (тэмпература ўспышкі не ніжэй 160 °C, тэмпература самазагарання не ніжэй 300 °C)[2].

Адкрывальнікам парафіну быў Карл фон Райхенбах[3].

Атрыманне

Парафін атрымліваюць з нафты, азакерыту, аднаўленнем аксіду вугляроду (II) вадародам[1]. Па ступені ачысткі падзяляецца на высокаачышчаны, ачышчаны і неачышчаны. Усе гатункі парафіну не павінны мець паху і ўтрымліваць бензапірэн[2].

Выкарыстанне

Парафін выкарыстоўваецца ў вытворчасці карбонавых кіслот, паперы[1], гумавых вырабаў, свечак, алоўкаў, тавараў бытавой хіміі, пластычных змазак, у якасці электраізаляцыйнага матэрыялу і інш[2]. Таксама парафін выкарыстоўваецца ў медыцыне, харчовай прамысловасці.

Зноскі

  1. а б в Хімічны слоўнік навучэнца: Дапам. для вучняў / Б. Н. Качаргін, В. М. Макаррэўскі, Л. Я. Гарнастаева, В. С. Аранская. — Мн.: Народная асвета, 2003. — С. 177. — 287 с. — 1 000 экз. — ISBN 985-12-0621-8.
  2. а б в г Артыкул на сайце ХиМиК.ру (руск.)
  3. Малый энциклопедический словарь Брокгауза и Ефрона (руск.)

Літаратура

  • Хімічны слоўнік навучэнца: Дапам. для вучняў / Б. Н. Качаргін, В. М. Макаррэўскі, Л. Я. Гарнастаева, В. С. Аранская. — Мн.: Народная асвета, 2003. — С. 177. — 287 с. — 1 000 экз. — ISBN 985-12-0621-8.
  • ГОСТ 23683-89 Парафины нефтяные твердые. Технические условия. (руск.)

Спасылкі

Шаблон:Organic-compound-stub