Ёсеф Мыслівечак

Ёзеф Мыслівечак
Josef Mysliveček
Асноўная інфармацыя
Дата нараджэння	9 сакавіка 1737(1737-03-09)
Месца нараджэння	Прага, Багемія
Дата смерці	4 лютага 1781(1781-02-04) (43 гады)
Месца смерці	Рым, Італія
Месца пахавання	Сан-Ларэнца-ін-Лучына[d]
Краіна	Каралеўства Багемія  Папская вобласць
Альма-матар	Балонская філарманічная акадэмія[d]
Музычная дзейнасць
Педагог	Giovanni Battista Pescetti[d]
Прафесіі	кампазітар, дырыжор
Жанры	опера, духоўная музыка, сімфанічная музыка
Медыяфайлы на Вікісховішчы

Ё́зеф Мы́слівечак (чэшск.: Josef Mysliveček; 9 жніўня 1737, Прага — 4 лютага 1781, Рым) — чэшскі кампазітар.

Музыцы вучыўся ў 1744—1752 гадах у духоўных навучальных установах, кампазіцыю вывучаў у Празе (з 1760) і гарадах Італіі (з 1763). Найбольш плённа працаваў у оперным жанры. Яго оперная музыка спалучае рысы традыцыйнай італьянскай оперы-серыя і чэшскай музыкі, адметная прыгажосцю і багаццем мелодый, майстэрствам вакальнага пісьма, рытмавай разнастайнасцю і маляўнічасцю гармоніі. У сімфоніях і камерных творах адчуваецца блізкасць да ранняй творчасці В. А. Моцарта, з якім Мыслівечак быў асабіста знаёмы.

Творы

Сярод твораў: каля 30 опер, у т.л. «Белерафонт» (паст. 1767), «Дэмафонт» (паст. 1769), «Мантэцума» і «Тамерлан Вялікі» (паст. 1771), «Міласэрнасць Ціта» (паст. 1773), «Эцый» (паст. 1775), «Арміда» (паст. 1779); араторыі на біблейскія сюжэты; канцэртная сімфонія; канцэрты для розных інструментаў з аркестрам; камерна-інструментальныя ансамблі і інш.

Літаратура

• Мыслевечак Іозеф. Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).

Спасылкі

• На Вікісховішчы ёсць медыяфайлы па тэме Ёсеф Мыслівечак