Зміцер Колас

Зміцер КОЛАС (нар. 1957, Мінск) — перакладчык.

Біяграфія

Скончыў французскі факультэт Інстытута замежных моваў (1979). Выкладаў і 2 гады вёў курс мастацкага перакладу французскім факультэце Інстытута замежных моваў. Загадваў выдавецтвам пры Беларускім гуманітарным ліцэі, з 1998 г. працаваў галоўным рэдактарам прыватнага выдавецтва «Энцыклапедыкс». Займаецца выдавецкай справай.

Пераклаў на беларускую мову творы

• Альбера Камю (раман «Чужаніца», аповесць «Падзенне», апавяданні, п'есы, эсэ), якія выходзілі асобнай кнігай «Чужаніца: Раман, аповесць, апавяданні»(1986) і пасля ў серыі «Скарбы сусветнай літаратуры» (2005), некаторыя асобныя творы друкаваліся ў часопісе «Крыніца». П'еса «Калігула», «Праведнікі»

• Жана-Поля Сартра п'есы «Пры зачыненых дзвярах», «Мухі» і інш. творы.

• Гі дэ Мапасана (апавяданні «У моры», «Два сябры», «Прыгода Вальтэра Шнафса», «Вяроўка», «Аздоба»)

• Алена Роб-Грые раман «Праект рэвалюцыі ў Нью-Ёрку» (2005, серыя «Літаратурная скарбонка»), апавяданне «Сцэна»(«Французская навела ХХ ст.», 1992)

• Наталі Сарот апавяданне «Трапізмы» («Французская навела ХХ ст.», 1992)

• Луі Арагона апавяданне «Падсадная качка»(«Французская навела ХХ ст.», 1992)

• Франсуа Рабле раман «Гарганцюа і Пантагруэль» («Крыніца», № 7 (1), 1994; «Хрэстаматыя па літаратуры народаў свету», Ч. 1.)

• Бруна Шульца апавяданне «Самота» (зборнік «Цынамонавыя крамы», 2006).

• Жаашэн дзю Беле ўрыўкі з трактата «Абарона і ўсхваленне французскай мовы» («Хрэстаматыя па літаратуры народаў свету», Ч. 1.) і інш. творы (анталогія М. Скоблы «Галасы з-за небакраю»)

• Сафія дэ Сегюр кніга для дзяцей «Зачаравая хатка» (1992)

• Шарль Перо кніга для дзяцей «Чарадзейныя казкі» (1993).

• Франсуа Віён (анталогія М. Скоблы «Галасы з-за небакраю»)

• Андрэ Шэнье (анталогія М. Скоблы «Галасы з-за небакраю»)

• Шарль Бадлер маленькія паэмы прозай (альманах «Далягляды», 1983).

• Рэнэ Дэкарта «Развагі аб метадзе: Як правільна накіроўваць свой розум і шукаць праўду ў навуках» («Галерэя чалавечай думкі», 2007)

• Нікола Макіявелі («Уладар»).

• Жака Дэрыды «Акрамя імя» (1997)

• Поля Вейна «Ці верылі грэкі ў свае міфы? Эсэ пра стваральнае ўяўленне» (2000).

• Эжэна Ёнэска (п'есы «Непадкупны забойца», «Лысая спявачка»)

• Андрэ Русэна п'есы «Хатка» (серыі «Бібліятэка французскай драматургіі», том 1)

• Сэмюэля Бэкета п'есы «Канец гульні» (серыі «Бібліятэка французскай драматургіі», том 2)

• Франсіса Вэбэра (п'еса «Вячэра з дурнем»)

• Жана Лякуцюра (кніга «Шарль дэ Голь»)

• Патрыка Бесона раман «Ліст да страчанага сябра» (серыі Littera scripta, 2010).

Таксама пераклаў урыўкі з «Песні пра Раланда»

Літаратура

• Колас, Зміцер // Часопіс «ПрайдзіСвет»: Асоба: Перакладчыкі — Эл.рэсурс prajdzisvet.org