Алонецкі раён

Алонецкі раён
Герб Сцяг
Краіна	Расія
Уваходзіць у	Карэлія (1991—?)
Адміністрацыйны цэнтр	Алонец
Дата ўтварэння	29 жніўня 1927
Насельніцтва	▼18 662 чал. (2023)
Плошча	3 988 км²
Часавы пояс	UTC+03:00
Тэлефонны код	81436
Афіцыйны сайт (руск.)
Медыяфайлы на Вікісховішчы

Алонецкі раён ці Алонецкі нацыянальны раён (карэл.: Anuksen kanzalline piiri) — адміністрацыйна-тэрытарыяльная адзінка (раён) і муніцыпальнае ўтварэнне (муніцыпальны раён) у складзе Рэспублікі Карэлія Расійскай Федэрацыі. Адміністрацыйны цэнтр — горад Алонец.

Геаграфія

Агульная плошча — 3988 км². Размешчаны ў паўднёвай частцы Рэспублікі Карэлія на Алонецкай раўніне. Мяжуе на поўначы і паўночным захадзе — з Пражынскім і Піткяранцкім раёнам Рэспублікі Карэлія. на поўдні і паўднёвым усходзе — з Ленінградскай вобласцю, на паўднёвым захадзе мае працяглы (каля 120 км) выхад да Ладажскага возера. Каля 90 % тэрыторыі раёна займаюць лясы і балоты. На тэрыторыі раёна — 49 азёр і 11 рэк.

Рэльеф — пераважна раўнінны. На поўначы і ўсходзе раёна сустракаюцца ўзвышшы, самы высокі пункт — гара Жалезная (97 м).