Альянс дзяржаў Сахеля
Альянс дзяржаў Сахеля (фр.: Alliance des États du Sahel) — міждзяржаўны ваенны альянс, створаны 17 верасня 2023 года для забеспячэння калектыўнай абароны дзяржаў Нігер, Буркіна-Фасо і Малі[1][2][3][4].
Гісторыя
[правіць | правіць зыходнік]Стварэнне альянсу
[правіць | правіць зыходнік]У ліпені 2023 года ў Нігеры адбыўся ваенны пераварот. У сярэдзіне жніўня Эканамічная супольнасць краін Заходняй Афрыкі (ЭКАВАС) заявіла аб падрыхтоўцы міжнародных ваенных сіл для інтэрвенцыі з мэтай вяртання да ўлады былога рэжыму[5]. Нігерскіх мяцежнікаў падтрымалі вайскоўцы хунт Малі і Буркіна-Фасо. У выпадку ўварвання новыя ўлады дазволілі гэтым краінам увесці войскі на сваю тэрыторыю[6].
Рашэнне аб стварэнні альянсу было прынята ў верасні 2023 года на фоне перамоў дэлегацыі Міністэрства абароны Расіі з прадстаўнікамі Малі, Буркіна-Фасо і Нігера[6].
У сваёй афіцыйнай заяве прэзідэнт пераходнага перыяду Малі палкоўнік Асімі Гаіта паведаміў, што Альянс дзяржаў Сахеля прызначаны для «стварэння архітэктуры калектыўнай абароны і ўзаемадапамогі на карысць насельніцтва» ў прыгранічных раёнах Буркіна-Фасо, Малі і Нігера[7][8]. Як дадаў міністр абароны дзяржавы, кааліцыя будзе ўяўляць сабой «спалучэнне ваенных і эканамічных намаганняў трох краін»[4].
Пачатак стварэння канфедэрацыі
[правіць | правіць зыходнік]6 ліпеня 2024 года на саміце трох дзяржаў было прынята рашэнне аб’яднацца ў канфедэрацыю. Першым старшынёй альянсу на найбліжэйшы год прызначаны часовы прэзідэнт Малі Асімі Гаіта.
Краіны-ўдзельніцы альянсу пацвердзілі рашучасць прадоўжыць барацьбу з тэрарызмам, гандлем наркотыкамі, зброяй і людзьмі. Таксама па выніках саміту краіны Сахеля вырашылі выпрацаваць адзіную камунікацыйную палітыку і ўзгадняць дыпламатычныя крокі, утварыць адзіны банк альянсу і стварыць адзіную прастору для перамяшчэння тавараў.
Цяпер членам альянсу трэба будзе падрыхтаваць дадатковыя пратаколы па кожным напрамку супрацоўніцтва. Дарожныя карты папярэдне абмяркоўваліся на міжміністэрскім і міжпарламенцкім узроўнях. Але зараз гэтыя прапановы даручана зафіксаваць фармальна ў бліжэйшы час. Калі канфедэратыўныя адносіны акажуцца эфектыўнымі, дзяржавы-члены пашыраць спіс сумесных задач. На думку кіраўнікоў дзяржаў, краінам патрэбна таксама супрацоўніцтва ў адукацыі, спорце, забеспячэнні занятасці.
Механізмаў рэалізацыі сумесных дзеянняў пакуль няма. Таму ўсё будзе працаваць на міжміністэрскім і міжурадавым узроўні, як гэта адбывалася раней[9].
Гл. таксама
[правіць | правіць зыходнік]Заўвагі
[правіць | правіць зыходнік]- ↑ Mali, Niger and Burkina Faso Sign Sahel Security Pact (англ.). VOA (16 верасня 2023). Праверана 16 верасня 2023.
- ↑ Mali, Niger and Burkina Faso establish Sahel security alliance (англ.). www.aljazeera.com. Праверана 16 верасня 2023.
- ↑ Мали, Буркина-Фасо и Нигер объединились в оборонный альянс (руск.). Коммерсантъ (16 верасня 2023). Праверана 16 верасня 2023.
- ↑ а б Juntas of Mali, Niger and Burkina Faso sign security pact – DW – 09/16/2023 (англ.). dw.com. Праверана 16 верасня 2023.
- ↑ Мали, Буркина-Фасо и Нигер создали "Альянс государств Сахеля" (руск.). Российская газета (16 верасня 2023). Праверана 16 верасня 2023.
- ↑ а б "Mali, Niger and Burkina Faso sign Sahel security pact". Reuters(англ.). 2023-09-16. Праверана 2023-09-16.
- ↑ étrangères, Ministère de l'Europe et des Affaires. The Sahel Alliance: taking daily action for the Sahel (англ.). France Diplomacy - Ministry for Europe and Foreign Affairs. Праверана 16 верасня 2023.
- ↑ "Three Borders" project (англ.). Alliance Sahel. Праверана 16 верасня 2023.
- ↑ Конфедерация Сахеля против террористов, наркоторговцев и санкций (руск.)
