Аляксандр Сяргеевіч Педан

Аляксандр Сяргеевіч Педан
укр.: Олександр Педан
Дата нараджэння	24 сакавіка 1982(1982-03-24) (42 гады)
Месца нараджэння	Хмяльніцкі, Хмяльніцкая вобласць, УССР, СССР
Грамадзянства	Украіна
Адукацыя	Хмяльніцкі нацыянальны ўніверсітэт
Прафесія	акцёр, тэлевядучы, шоўмен, відэаблогер, комік, гулец КВЗ
Гады актыўнасці	з 1999
Член у	Tri tolstyaka[d]
IMDb	ID 14037990
Сайт	pedan.com.ua
Медыяфайлы на Вікісховішчы

Аляксандр Сяргеевіч Педа́н (нар. 24 сакавіка 1982, Хмяльніцкі, УССР) — украінскі тэлевядучы і шоумен.

Біяграфія і кар’ера

Нарадзіўся 24 сакавіка 1982 года ў Хмяльніцкім (УССР). Бацька Сяргей Іосіфавіч і маці Валянціна Мікалаеўна пазнаёміліся ў танцавальным ансамблі пры ўніверсітэце. Аляксандр стаў іх трэцім дзіцём, ён мае двух старэйшых братоў. Пасля заканчэння школы ён паступіў у Хмяльніцкі нацыянальны ўніверсітэт на эканамічны факультэт. У 2004 годзе атрымаў дыплом менеджара-эканаміста. Праз два гады пераехаў у Кіеў.

Аляксандр марыў стаць акцёрам з дзяцінства, у школе ён быў удзельнікам мастацкай самадзейнасці. Скончыў тэатральнае аддзяленне Хмяльніцкай школы мастацтваў. 13 гадоў займаўся ўкраінскімі народнымі танцамі, паколькі бацька быў харэографам Ансамбля ўкраінскага танца.

Дзевяць гадоў Аляксандр прысвяціў КВЗ. У 16 ён стаў удзельнікам каманды Хмяльніцкага нацыянальнага ўніверсітэта. Прыняў удзел у турнірах Асацыяцыі КВЗ Украіны ў складзе каманд «Стыльны вецер» і «TM-TV». Гуляў за тэлевізійную каманду Вышэйшай украінскай лігі КВЗ «Тры таўстуна», асноўную частку якой складалі вопытныя гульцы. Прыйшоўшы ў каманду як танцор, Педан хутка ўвайшоў у лік лідараў, стаў актыўным удзельнікам творчага працэсу — пісаў тэксты, ставіў нумары. Прыняў удзел у шэрагу міжнародных фестываляў Клуба (Сочы, Юрмала).

У 2006 г. Аляксандр стаў вядучым Comedy Club Ukraine, а таксама ўдзельнікам штотыднёвых вечарынак клуба і телеверсій. Яркі індывідуальны вобраз канферансье падарыў яму творчы псеўданім — Аляксандр «Анёл» Педан.

У 2008 г. Педан стаў адным з вядучых ранішняга шоу «Пад’ём» на Новым канале ў партнёрстве з Фрэймут і Прытулай. Гэтую тройцу вядучых называюць адной з самых паспяховых за ўвесь час існавання ранішняга шоу ва Украіне. Разам з Вольгай і Сяргеем Аляксандр вёў «Пад’ём» да мая 2011 года.

У 2008 г. вядзе шоу «Украіна слязам не верыць» з Машай Ефрасінінай і Сяргеем Прытулай. У 2010—2011 гады стаў удзельнікам шоу «Зрабі мне смешна» з Сяргеем Прытулай, Машай Еўфрасінінай, Дзімай Калядэнка, Андрэем Даманскім, Анастасіяй Касілавай і Сяргеем Кузіным.

У 2010—2011 гады стаў суддзёй шоу «Спявай, калі зможаш» з вядучымі Сяргеем Прытулай і Машай Еўфрасінінай. У 2011 г. стаў вядучым экстрэмальнага шоу «Я — Герой!» з Сяргеем Прытулай і чэмпіёнкай свету па спартыўнай гімнастыцы Ліліяй Падкапаевай. У гэтым жа годзе Аляксандр становіцца вядучым шоу «Інтуіцыя» — свайго першага сольнага праекта на Новым канале.

У сакавіку-чэрвені 2012 года — вядучы шоу «Пакуй валізы!». Сакавік 2012 года — Аляксандр становіцца суддзёй у шоу «Хто зверху?». Вядучыя праекта Вольга Фрэймут і Сяргей Прытула жартам называюць Педана «голасам зверху», «вярхоўным суддзёй», таму што Аляксандра няма ў кадры і гледачы чуюць толькі ягоны голас.

Летам 2012 года разам з Фрэймут і Прытулай вядзе шоу «КабрыяЛета».

10 сакавіка 2013 года на Новым канале стартаваў інфармацыйна-забаўляльны вячэрні праект «Педан-Прытула Шоу». Педан стаў вядучым і крэатыўным прадзюсарам шоу разам з Сяргеем Прытулай. З 2014 года вядзе праект «Сэрца трох», правёўшы тры сезоны гэтага шоу.

У 2014—2015 гг. — вядучы ў двух сезонах праграмы «Танна і сярдзіта». У шоу Аляксандр меў задачу з гумарам шукаць магчымасці эканоміі ва ўсіх сферах. У 2015 годзе зноў стаў вядучым тэлепраекта «Танна і сярдзіта».

У 2016 г. разам з Дзмітрыем Танковічам быў вядучым Украінскага нацыянальнага адбору на Еўрабачанне-2016, дзе перамагла Джамала. Восенню 2016 года пачаў працу над праектам «Зоркі пад гіпнозам».

Тэлепраекты

• «Comedy Club UA»
• «Пад’ём!»
• «Зрабі мне смешна!»
• «Інтуіцыя»
• «Пакуй валізы!»
• «Хто зверху?»
• «Я — Герой!»
• «КабрыяЛета»
• «Педан-Прытула Шоу»
• «Сэрца трох»
• «Танна і сярдзіта»
• «Еўрабачанне-2016. Украіна»
• «Зоркі пад гіпнозам»

Спасылкі

• Сайт Аляксандра Педана Архівавана 27 кастрычніка 2017.
• Аляксандр Педан на сайце Новага канала Архівавана 1 лістапада 2017.
• Пра жонку і дачку
• Афіцыйная старонка Facebook
• Афіцыйная старонка ВК