Аркадзь Андрэевіч Гейнэ

Аркадзь Андрэевіч Гейнэ
Асабістыя звесткі
Дата нараджэння	10 студзеня 1919(1919-01-10)
Месца нараджэння	Бешанковічы, Лепельскі павет, Віцебская губерня, Расійская імперыя
Дата смерці	16 снежня 1942(1942-12-16) (23 гады)
Месца смерці	Сталінградская вобласць, РСФСР, СССР
Пахаванне	Верхнякумскі[d]
Альма-матар	Камуністычны інстытут журналістыкі імя С. М. Кірава
Прафесійная дзейнасць
Род дзейнасці	паэт
Мова твораў	беларуская
Творы ў Вікікрыніцах

Аркадзь Андрэевіч Гейнэ (10 студзеня 1919, Бешанковічы — 16 снежня 1942, Валгаградская вобласць, Расія) — беларускі паэт.

Біяграфія

Нарадзіўся 10 студзеня 1919 года ў Бешанковічах у сям’і служачага. Вучыўся ў Камуністычным інстытуце журналістыкі ў Мінску (1938—1941). Працаваў у рэдакцыях газет. У час Вялікай Айчыннай вайны малодшы лейтэнант А. Гейнэ камандаваў узводам 66-й механізаванай брыгады. Загінуў у баі пад Сталінградам 16 снежня 1942 года.

Пахаваны ў пасёлку Верхнякумскі Валгаградскай вобласці.

Творчасць

Вершы пачаў пісаць яшчэ ў школе. Першая публікацыя з’явілася ў 1934 г. у рэспубліканскай газеце «Піянер Беларусі». Друкаваў вершы, байкі, рэцэнзіі, артыкулы ў газетах «Лім», «Сталінская моладзь», «Звязда», «Віцебскі рабочы», «Чырвоная змена», часопісах «Полымя рэвалюцыі», «Іскры Ільіча». У 1939 г. выйшаў у свет першы паэтычны зборнік «Шчаслівая зорка». У аднайменным вершы, які ўваходзіць у многія анталогіі, А. Гейнэ здолеў даць узор сапраўднай лірыкі, дзе зліліся пачуццё кахання з пачуццём любові да Радзімы.

Сачыненні

• Крывёю сэрца. Мн., 1967.

Літаратура

• Аркадзь Андрэевіч Гейне // Памяць : гісторыка-дакументальная хроніка Бешанковіцкага раёна / рэдкал. І. П. Шамякін [і інш.]. — Мн., 1991. — С. 410.
• Гейнэ Аркадзь // Беларускія пісьменнікі : біябібліяграфічны слоўнік : у 6 т. / рэдкал. І. Э. Багдановіч [і інш.]. — Мн., 1992. — Т. 2. — С. 172.