Асобае злучэнне партызанскіх атрадаў

Асобае злучэнне партызанскіх атрадаў
Гады існавання	1941 — 1943
Краіна	Беларуская ССР
Падпарадкаванне	Беларускі штаб партызанскага руху
Тып	партызаны
Функцыя	барацьба з нямецкімі акупацыйнымі ўладамі
Дыслакацыя	Баранавіцкая вобласць, Вілейская вобласць, Мінская вобласць, БССР
Войны	Вялікая Айчынная вайна
Удзел у	Вялікая Айчынная вайна

Асобае злучэнне партызанскіх атрадаў (АЗПА) — часовае злучэнне савецкіх партызанскіх атрадаў у Вялікую Айчынную вайну. Узнікла на тэрыторыі Баранавіцкай вобласці ў жніўні 1942 года як штаб аб’яднаных атрадаў (з кастрычніка 1942 года — АЗПА).

Штаб АЗПА каардынаваў разведвальныя і дыверсійныя дзеянні партызанскіх атрадаў на чыгуначных участках Мінск—Баранавічы—Ліда. Агульнае кіраўніцтва ажыццяўляў камандзір дыверсійна-разведвальнага атрада (галаўны атрад) В. В. Шчарбіна. З цягам часу Асобае злучэнне пашырала свой уплыў на ўсе атрады, што базіраваліся ў Налібоцкай і Ліпічанскай пушчах. З лістапада 1942 года большасць атрадаў, што ўваходзілі ў склад АЗПА, былі аб’яднаны ў брыгады. У ліпені 1943 года АЗПА скасавана. Пазней брыгады і атрады ўліліся ў Баранавіцкае і Вілейскае партызанскія злучэнні.

Склад

Атрады (да лістапада 1942 года)

• дыверсійна-разведвальны В. В. Шчарбіна (з кастрычніка 1942 года — атрад «Дзімы»)
• 125-ы імя І. В. Сталіна
• атрад імя Чапаева
• 620-ы (пазней імя І. П. Кузняцова)
• атрад В. З. Браева
• атрад А. Свентаржэцкага
• 621-ы (пазней імя Чкалава)
• атрад імя Будзённага (Вілейская вобласць)
• атрад «Штурм» (Мінская вобласць)

Брыгады (з лістапада 1942 года)

• імя І. В. Сталіна
• імя Чкалава
• Ленінская
• «Штурмавая»
• імя Фрунзэ.

Літаратура

• Манаенкаў, А. Л. Асобае злучэнне партызанскіх атрадаў / А. Л. Манаенкаў // Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн. : БелЭн, 1993. — 494 с. — 20 000 экз. — ISBN 5-85700-074-2. — С. 218.