Багуслаў Самуэль Курнатоўскі

Багуслаў Самуэль Курнатоўскі
Ладдзя
Нараджэнне	16 жніўня 1783(1783-08-16) Ізабелін, Ваўкавыскі павет, Новагародскае ваяводства, Вялікае Княства Літоўскае, Рэч Паспалітая
Смерць	17 лютага 1820(1820-02-17) (36 гадоў) Слуцк, Слуцкі павет, Мінская губерня, Расійская імперыя
Род	Курнатоўскія[d]
Бацька	Уладзіслаў Курнатоўскі
Маці	Кацярына з Эсткаў[d]
Веравызнанне	рэфармацтва[d]
Член у	Шчаслівае вызваленне
Адукацыя	Слуцкая гімназія Лейдэнскі ўніверсітэт
Месца працы	Слуцкая гімназія

Багуслаў Самуэль Курнатоўскі (польск.: Boguslaw Kurnatowski; 16 жніўня 1783, Ізабелін — 17 лютага 1820, Слуцк) — евангельскі святар, педагог.

Біяграфія

Паходзіў з кальвінскага шляхецкага роду Курнатоўскіх герба «Ладдзя». Нарадзіўся ў сям’я Уладзіслава Курнатоўскага (1749—1824), былога рэктара Слуцкай гімназіі, і яго першай жонкі Кацярыны з Эсткаў (1760—1806). Скончыў Слуцкую гімназію, з 1801 г. вывучаў тэалогію ў Кёнігсбергу, з 1806 г. вучыўся ва ўніверсітэце ў Лейдэне. Евангельскі святар. Настаўнік лацінскай і польскай моў, права і літаратуры ў Слуцкай гімназіі ў 1811—1818 гг.

Член масонскай ложы «Шчаслівага Вызвалення» ў Нясвіжы, непрысутны масон 4-й ст. у 1820 годзе.

Сям’я

Быў жанаты двойчы. Першая жонка: Алена з Касакоўскіх (каля 1775-22.02.1832). Дзеці:

• Віктар Уладзіслаў (15.03.1812-1846?).
• Канстанцін Станіслаў Аўгуст (13.08.1813-18.08.1813).
• Пшамыслаў Аўгуст (22.03.1815-01.09.1841).
• Баляслаў Зыгмунт (18.10.1816-1838).

Другая жонка: Соф’я Аляксандра з Газлераў (19.08.1785-08.12.1830), якая памерла ад сухот. Дзеці:

• Станіслава.
• Казімір Мацільда Генрыэта (01.03.1818-10.11.1818).
• Даброгаст Браніслаў (30.11.1819-08.02.1821).

Літаратура

• Швед, В. В. Курнатоўскі Багуслаў Уладзіслававіч // Масоны і ложы на землях Беларусі (канец XVIII — першая чвэрць XIX ст.) : біябібліягр. слоўн.. — Гродна: ГрДУ, 2007. — 275 с. — ISBN 978-985-417-866-0.

Спасылкі

• Список учителей Слуцкой гимназии до 1863 гг.