Барыс Мікалаевіч Малахаў

Барыс Мікалаевіч Малахаў
Дата нараджэння	28 снежня 1950(1950-12-28) (73 гады)
Месца нараджэння	Пружаны, Пружанскі раён, Брэсцкая вобласць, БССР, СССР
Грамадзянства	Беларусь
Род дзейнасці	мастак
Вучоба	архітэктурны факультэт БІБІ (1974)
Член у	Беларускі саюз мастакоў

Барыс Мікалаевіч Мала́хаў (28 снежня 1950, г. Пружаны, Брэсцкая вобласць) — беларускі мастак.

Біяграфія

Скончыў у 1974 годзе архітэктурны факультэт Брэсцкага інжынерна-будаўнічага інстытута. Працуе ў галінах мастацкага праектавання і комплекснага афармлення адміністрацыйных і грамадскіх будынкаў, музейных экспазіцый, міжнародных фотавыставак.

Член Беларускага саюза мастакоў з 1994 года. Жыве ў г. Брэсце.

Творчасць

Асноўныя творы: мастацкія канцэпцыі і праекты афармлення музея «Захаваныя мастацкія каштоўнасці», Дома грамадзянскіх абрадаў, акцыянернага таварыства «Скарб» — усе ў г. Брэсце, музея «Цэнтр-хлеб» у калгасе «Савецкая Беларусь» Брэсцкай вобласці (усе ў сааўтарстве); дзіцячай музычнай школы ў г.п. Ружаны, Дома культуры ў г.п. Івацэвічы; фотавыстаўкі ў Доме савецкай навукі і культуры ў Варшаве (Польшча), міжнароднай выстаўкі плаката «Інтурыст».

Літаратура

• Малахаў Барыс Мікалаевіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішерс», 1998. — 663 с. — 3 000 экз. — ISBN 985-6427-09-6.