Бернардзіна Фунгаі

Бернардзіна Фунгаі
Дата нараджэння	1460[…]
Месца нараджэння	Сіена, правінцыя Сіена, Таскана, Італія
Дата смерці	1516[…]
Месца смерці	Сіена, правінцыя Сіена, Таскана, Італія
Грамадзянства	Італія
Род дзейнасці	мастак
Мастацкі кірунак	Сіенская школа жывапісу
Медыяфайлы на Вікісховішчы

Мадонна з немаўлём і двума святымі пустэльнікамі. 1480 г. Лос-Анджэлес, Сабранне Пола Геці.

Бернардзіна Фунгаі (італ.: Bernardino Fungai; 1460, г. Сіена — 1516, там жа) — італьянскі мастак сіенскай школы.

Біяграфія

Біяграфія Бернардзіна Фунгаі дрэнна дакументавана, спецыялісты ведаюць пра яго няшмат. У дакументах ён з'яўляецца ў 1482 годзе ў якасці чалядніка (garzone) ў Бенвенута ды Джаванні падчас прац над манахромнымі фрэскамі ў барабане купала сіенскага сабора, у сувязі з чым шматлікія навукоўцы лічылі яго вучнем Бенвенута. Аднак у яго працах відаць значна большы ўплыў Матэа ды Джаванні. У якасці творчага папярэдніка прапаноўвалася і кандыдатура Джаванні ды Паала.

Сёння існуе адзіны падпісаны і датаваны ім твор — алтар «Маці Божая з дзіцем, святым Себасцьянам, святым Еранімам, Мікалаем і святым Антоніем Падуанскім» (1512 г. Сіена, Пінакатэка). Адштурхоўваючыся ад гэтай працы, спецыялісты адносна ўпэўнена выбудавалі пазнейшую творчасць Бернардзіна Фунгаі, аднак вывучэнне яго ранняга перыяду праблематычна.

Гэты мастак не заставаўся ў баку ад навацый канца XV стагоддзя, і, нягледзячы на моцную сиенскую закваску (а то, што Бернардзіна выхоўваўся на сиенскім традыцыйным жывапісе, не выклікае сумненняў), у яго творах можна бачыць перайманне работ Лукі Сіньярэлі, Перуджына і Пінтурык’я. З дакументаў вынікае, што Бернардзіна акрамя фарбаў працаваў з такім дарагім матэрыялам, як золата — у 1494 годзе ён атрымаў заказ на выраб цырыманіяльных пазалочаных сцягоў, а праз пяць гадоў залаціў футляр аргана ў саборы. Акрамя буйных твораў Бернардзіна Фунгаі займаўся роспісам тавалета і Касоне.