Біргіта Шведская (прынцэса)

Біргіта Інгеборга Аліса Шведская і Гогенцолерн
шведск.: Hennes Kungliga Höghet Birgitta, Prinsessa av Sverige och Hohenzollern
Дата нараджэння	19 студзеня 1937(1937-01-19) (87 гадоў)
Месца нараджэння	Палац Хага, Сольна, Швецыя
Грамадзянства	Швецыя
Веравызнанне	лютэранства
Бацька	Густаў VI Адольф
Маці	Сібіла Саксен-Кобург-Гоцкая
Муж	Prince Johann Georg of Hohenzollern[d]
Дзеці	Prince Carl Christian of Hohenzollern-Sigmaringen[d], Princess Désirée of Hohenzollern-Sigmaringen[d] і Prince Hubertus of Hohenzollern-Sigmaringen[d]
Альма-матар	Swedish School of Sport and Health Sciences[d] Franska Skolan[d]
Узнагароды і прэміі
Медыяфайлы на Вікісховішчы

Прынцэса Біргіта Інгеборга Аліса Шведская (шведск.: Hennes Kungliga Höghet Birgitta, Prinsessa av Sverige och Hohenzollern, нар. 19 студзеня 1937) — шведская прынцэса, у шлюбе княгіня Гогенцолерн, сястра караля Карла XVI Густава.

Біяграфія

Прынцэса стала другім дзіцем і дачкой прынца Густава Адольфа, герцага Вестэрботэнскага і яго жонкі прынцэсы Сібілы Саксен-Кобург-Гоцкай.

Бацька прынцэсы належаў да шведскай каралеўскай дынастыі Бернадотаў і быў сынам караля Швецыі Густава VI Адольфа і яго жонкі Маргарыты Канаўцкай, унучкі каралевы Вікторыі. Маці прынцэсы Сібіла - дачка прынца Карла Эдуарда, герцага Саксен-Кобург-Гоцкага і прынцэсы Вікторыі Адэлаіды Шлезвіг-Гольштэйн.

У сям'і пасля яе нарадзіліся яшчэ дзве дачкі: прынцэсы Дэзірэ і Крысціна, а таксама сын — будучы кароль Швецыі Карл XVI Густаў.

Падчас візіту да сваіх сваякоў у Германію ў 1959 годзе прынцэса сустрэла свайго будучага мужа — нямецкага князя Іагана Георга Гогенцолерна (1932—2016). 15 снежня 1960 года было абвешчана аб заручынах.

Вяселле адбылося 25 мая 1961 года ў Каралеўскім палацы ў Стакгольме, а рэлігійная цырымонія — ў Палацы Зігмарынген 30 мая таго ж года. У шлюбе ў іх нарадзілася трое дзяцей:

• Карл Крысціян Гогенцолерн (нар. 5 красавіка 1962);
• Дэзірэ Гогенцолерн (нар. 27 лістапада 1963);
• Хубертус Гогенцолерн (нар. 10 чэрвеня 1966);

У 1990 годзе муж і жонка сталі жыць асобна, але шлюб афіцыйна скасаваны не быў.

Каралеўскія абавязкі

Прынцэса з'яўляецца ганаровым членам Каралеўскага таварыства гольфа. Гэты абавязак яна ўзяла на сябе пасля смерці дзядзькі прынца Бертыля ў 1997 годзе.

Біргіта кожны год прымае ўдзел у дні Святой Люсіі і лічыць гэтае свята нацыянальным у Швецыі.

Тытулы

• 19 студзеня 1937 — 25 мая 1961 — Яе Каралеўская Высокасць прынцэса Шведская.
• 25 мая 1961 — цяперашні час — Яе Каралеўская Высокасць прынцэса Шведская, прынцэса Гогенцолерн.