Варшава-Віленская

Варшава-Віленская
	Станцыя
Варшава-Віленская
	Польская чыгунка
Дата адкрыцця	1928
Ранейшыя назвы	Пецярбургскі вакзал
Размяшчэнне	Варшава
	Медыяфайлы на Вікісховішчы

Варшава-Віленская (польск.: Warszawa Wileńska) — чыгуначная станцыя ў Варшаве на правым беразе Віслы ў раёне Прага.

Гісторыя

Першая станцыя на гэтым месцы, ці тады яшчэ Пецярбургскі вакзал, была пабудавана як канцавая станцыя лініі чыгункі з Санкт-Пецярбурга праз Вільню і Дынабург па праекце архітэктара Нарцыса Збажэўскага, яна мела шырокую "рускую" каляіну, у адрозненне ад Варшаўска-Венскай чыгункі, якая ўжо тады выкарыстоўвала звычайную еўрапейскую каляіну.

Каб людзям было зручна дабірацца з Вены ў Санкт-Пецярбург, была пабудавана лінія коннага трамвая, якая стала пачаткам варшаўскай трамвайнай сістэмы. Будынак вакзала быў зруйнаваны рускімі войскамі падчас Першай сусветнай вайны ў 1915 годзе.

Пасля вайны з Савецкай Расіяй у 1920 годзе частка чыгункі паміж Вільняй і Варшавай была перароблена на еўрапейскую шырыню (як і ўся чыгунка ў міжваеннай Польшчы), бо пасажырскія зносіны паміж Варшавай і Ленінградам практычна знікла, а першапачатковая назва станцыі была зменена на сучасную. Саму станцыю перанеслі крыху на поўдзень, а на ранейшым месцы пабудавалі сядзібу Польскай чыгункі ў 1928 годзе.

Вакзал станцыі перажыў Другую сусветную вайну, але пасля вайны быў разабраны і да 2000 года ролю станцыі выконвала старое лакаматыўнае дэпо, пераабсталяванае на вакзал.

8 сакавіка 2015 года тут адкрылася станцыя другой лініі Варшаўскага метрапалітэна «Віленскі вакзал».

Сёння ніжняя частка будынка выкарыстоўваецца чыгункай як вакзал, а верхняя - як гандлёвы цэнтр. Побач з вакзалам знаходзіцца сабор Святой Марыі Магдаліны Польскай аўтакефальнай праваслаўнай царквы.