Вера Уладзіміраўна Кляйнміхель
Вера Кляйнміхель | |
---|---|
Вера Владимировна Клейнмихель | |
| |
| |
Нараджэнне |
12 жніўня 1877 |
Смерць |
3 снежня 1948 (71 год) |
Месца пахавання | |
Род | Кляйнміхелі |
Бацька | Уладзімір Пятровіч Кляйнміхель[d] |
Маці | Кацярына Мяшчэрская |
Муж |
Дзмітрый Джамбакурыян-Арбеліяні Вадзім Шабека |
Дзеці |
з Дз. І. Джамбакурыянам-Арбеліяні: Галіна з В. М. Шабекам: Марыя |
Ве́ра Уладзі́міраўна Кляйнмі́хель (у першым шлюбе Джамбакурыян-Арбеліяні , у другім шлюбе Шабека, руск.: Вера Владимировна Клейнмихель; 31 ліпеня (12 жніўня) 1877, Санкт-Пецярбург, Расійская імперыя — 3 снежня 1948, Парыж, Францыя) — фрэйліна імператарскага двара, графіня, княгіня. Памешчыца Гродзенскай і Курскай губерняў[1].
Біяграфія[правіць | правіць зыходнік]
Унучка міністра шляхоў зносін Расійскай імперыі П. А. Кляйнміхеля, дачка генерал-маёра Уладзіміра Кляйнміхеля .
У 1895 годзе на сваё 18-годдзе атрымала ў падарунак ад бацькі маёнтак у Пружане Гродзенскай губерні. Новая гаспадыня ў сядзібе не пражывала, перадаўшы кіраванне ёй аканому і наведваючыся час ад часу (у прыватнасці, мешкала тут улетку 1904—1907 гадоў). Валодала таксама фальваркам Шыдлоўшчына непадалёк ад Пружаны[2].
У 1900 годзе выйшла замуж за князя Дзмітрыя Іванавіча Джамбакурыяна-Арбеліяні, палкоўніка Кавалергардскага палка імператрыцы Марыі Фёдараўны[3]. У 1909 годзе ў яе гонар названы сорт ружаў «Princesse Vera Orbelioni», выведзены французскім селекцыянерам Жазефам Шварцам[4]. Пасля Кастрычніцкай рэвалюцыі эмігравала ў Францыю, пружанскі маёнтак здала ў арэнду павятоваму староству. З Дзмітрыем Джамбакурыянам-Арбеліяні Вера Кляйнміхель мела дачку Галіну (нарадзілася 5 мая 1922 года), якую нарадзіла неўзабаве па смерці мужа.
Другім разам выйшла замуж за апошняга гарадзенскага губернатара В. М. Шабеку (1864—1943), свайго траюроднага брата. З ім мелі дачку Марыю[5].
Абставіны свайго дарэвалюцыйнага жыцця і эміграцыі занатоўвала ў мемуарах, выдадзеных у 2009 годзе разам з успамінамі яе маці Кацярыны (у дзявоцтве Мяшчэрскай) кнігай «У ценю царскай кароны». Памерла ў Парыжы 3 снежня 1948 года. Пахаваная на могілках Сен-Жэнеўеў-дэ-Буа .
Зноскі
- ↑ Личные архивные фонды в государственных хранилищах СССР (руск.)(недаступная спасылка). «Архивы России». — Звесткі з дзяржаўнага архіву Крымскай вобласці, ф. 542, 19 адз. зах., 1916—1918. Архівавана з першакрыніцы 8 ліпеня 2015. Праверана 14 лістапада 2011.
- ↑ Indeks nazwisk ziemian Polesia w 1929 r. (польск.). Artur Ornatowski (21 лістапада 2011). Праверана 26 студзеня 2012.
- ↑ М. В. Фалалеева. Примечания. Письма великой княгини Ксении Александровны Александре Александровне… (руск.). Фундаментальная электронная библиотека (25 красавіка 2005). Праверана 14 лістапада 2011.
- ↑ Арбатская Ю.Я.. «Русские» розы Андре Шварца (розы 'Princesse Marie Mestchersky' и 'Princesse Vera Orbelioni') (руск.). Сайт семейного творчества. Константин Вихляев, Юта Арбатская. Праверана 14 лістапада 2011.
- ↑ Офицеры российской гвардии. Ш (руск.)(недаступная спасылка). Архівавана з першакрыніцы 23 кастрычніка 2014. Праверана 14 лістапада 2011.
Літаратура[правіць | правіць зыходнік]
- Клейнмихель В., Клейнмихель Е. В тени царской короны. — Симферополь: Бизнес-Информ, 2009. — 344 с. — (Воспоминания о Крыме). — 2 000 экз. — ISBN 978-966-648-195-8.
- Российское зарубежье во Франции. 1919-2000 : биогр. словарь : в 3 т. / под. общ. ред. Л. Мнухина, М. Ауриль, В. Лосской. — Москва: Наука : Дом-музей Марины Цветаевой, 2008—2010. — Т. 1. — 796 с. — 1 000 экз. Архівавана 22 сакавіка 2012.
Спасылкі[правіць | правіць зыходнік]
- Біяграфічны слоўнік «Расійскае замежжа ў Францыі»(недаступная спасылка) (руск.)
- Кляйнміхель // Пружанскі палацык