Вільгельм Бадэнскі

Вільгельм Бадэнскі
Wilhelm von Baden
Прынц Вільгельм фон Бадэн (мініяцюра)
Дата нараджэння	18 снежня 1829(1829-12-18)
Месца нараджэння	Карлсруэ, Вялікае Герцагства Бадэн, Германскі саюз
Дата смерці	27 красавіка 1897(1897-04-27) (67 гадоў)
Месца смерці	Карлсруэ, Вялікае Герцагства Бадэн, Германская імперыя
Пахаванне	Вялікагерцагская пахавальня
Грамадзянства	Вялікае герцагства Бадэн Германская імперыя
Партыя	Свабодна-кансерватыўная партыя
Член у	Масонства Carl zur Eintracht[d] Q15855840?
Род дзейнасці	палітык, ваенны, ваенны
Бацька	Леапольд Бадэнскі
Маці	Сафія Шведская
Жонка	Марыя Максіміліянаўна Лейхтэнбергская
Дзеці	Сафія Марыя, Максіміліян
Узнагароды	Ордэн Святога Георгія IV ступені Ордэн Цэрынгенскага льва Ордэн «Pour le Mérite»
Удзельнік	франка-пруская вайна Аўстра-пруска-італьянская вайна
Медыяфайлы на Вікісховішчы

Людвіг Вільгельм Аўгуст Бадэнскі (ням.: Prinz Ludwig Wilhelm August von Baden; 18 снежня 1829, Карлсруэ — 27 красавіка 1897, Карлсруэ) — прынц Бадэна, пруска-бадэнскі палітык і генерал пяхоты.

Біяграфія

Быў трэцім сынам вялікага князя Леапольда Бадэнскага (1790—1852) і прынцэсы Сафіі Шведскай (1801—1865), дачкі зрынутага шведскага караля Густава IV Адольфа.

У 1849 годзе паступіў на службу ў прускі першы Гвардзейскі пяхотны полк у якасці старшага лейтэнанта. Перайшоў у 1856 годзе ў артылерыйскую гвардыю, як маёр артылерыі. Даслужыўся да генерал-маёра і камандзіра артылерыйскай брыгады. Сышоў у адстаўку ў 1863 годзе са службы ў прускай арміі, і пабраўся шлюбам з княгіняй Марыяй Лейхтэнбергскай у Санкт-Пецярбургу.

Ён быў членам масонскага ложа «Уранія да неўміручасці», у Берліне, і ганаровым членам ложа «Карл да згоды», у Мангейме.

Ваенная кар'ера

На Аўстра-пруска-італьянскай вайне паміж Прусіяй і Аўстрыйскай імперыяй у 1866 годзе прыняў галоўнае камандаванне 8-м федэральным корпусам Бадэнскай арміі, якая ваявала на баку Германскага саюза. Апаненты вінавацілі яго ў тым, што ён павінен панесці адказнасць за няўдалы паход і правал кампаніі з-за свайго празмерна асцярожнага кіраўніцтва. На Франка-прускай вайне вайне 1870—1871 камандаваў 1-й Бадэнскай брыгадай корпуса Вердэра. Быў цяжка паранены каля Нюі-Сен-Жоржа.

Сям'я

Быў жанаты з ўнучкай імператара Мікалая I, найяснейшай княгіні Марыі Максіміліянаўне Раманаўскай, герцагіні Лейхтэнбергскай, якая пасля замужжа стала прынцэсай Бадэнскай, дачцэ герцага Максіміліяна Лейхтэнбергскага (1817—1852) і вялікай княгіні Марыі Мікалаеўны. Муж і жонка былі далёкімі сваякамі, маючы агульнага продка — ландграфа Гесэн-Дармштацкага Людвіга VIII. Цырымонія шлюбу адбылася 11 лютага 1863 года. У шлюбе нарадзілася двое дзяцей:

• Сафія-Марыя (1865—1939) — жонка прынца Фрыдрыха Анхальцкага (1856—1918),
• Максіміліян (1867—1929) — апошні канцлер Германскай імперыі, які абвясціў пра адрачэнне імператара Вільгельма II. Пазней — глава дому Бадэна.

Узнагароды

• Узнагароджаны ордэнамі Св. Георгія 4-й ступені (№ 10206; 6 сакавіка 1861), Цэрынгенскага льва і Pour le Merite.

Галерэя выяў

• 
  Помнік прынцу Вільгельму Бадэнскаму ў Карлсруэ. Скульптар Герман Фольц
• 
  Бюст прынца Вільгельма Бадэнскага ў Залеме
• 
  Саркафаг прынца Вільгельма Бадэнскага ў Вялікагерцагскай пахавальні ў Карлсруэ

Літаратура

• Bernhard von Poten: Wilhelm (Prinz von Baden). In: Allgemeine Deutsche Biographie (ADB). Band 42, Duncker & Humblot, Leipzig 1897, S. 701—703. (ням.)

Спасылкі

• На Вікісховішчы ёсць медыяфайлы па тэме Вільгельм Бадэнскі
• Прынц Вільгельм на сайце stadtwiki.net (ням.)
• Інфармацыя пра прынца Вільгельме Бадэнскім (ням.)