Ган (востраў)
Ган | |
---|---|
дыв. ގަން | |
Характарыстыкі | |
Плошча | 5,1659 км² |
Насельніцтва | 2 670 чал. |
Шчыльнасць насельніцтва | 516,85 чал./км² |
Размяшчэнне | |
01°54′55″ пн. ш. 73°32′35″ у. д.HGЯO | |
Акваторыя | Індыйскі акіян |
Краіна | |
Ган (дывехі: ގަން) — самы буйны востраў Мальдыўскага архіпелага, частка атола Лааму. Уваходзіць у склад дзяржавы Мальдывы. Плошча сушы — 5,1659 км². Насельніцтва (2009 г.) — 2670 чал.
Геаграфія
[правіць | правіць зыходнік]Востраў Ган месціцца ў заходняй частцы атола Лааму ў 240 км на поўдзень ад Мале, сталіцы Мальдываў. Выцягнуты з поўначы на поўдзень амаль на 9 км. Найбольшая шырыня - 1,45 км, аднак у некаторых месцах яна не перавышае 242 м. Мае каралавае паходжанне. Суша складзена пераважна вапнякамі. Натуральных паверхневых вадаёмаў няма.
Клімат экватарыяльны мусонны. У 2004 г. пацярпеў ад снежаньскага цунамі. Паколькі востраў нізкі, яму можа пагражаць павелічэнне ўзроўню акіяна ў сувязі з глабальным пацяпленнем.
Гісторыя
[правіць | правіць зыходнік]Продкі сучасных дывехі, жыхароў вострава Ган, прыбылі у другой палове 1 тысячагоддзя да н. э. У 1923 г. археолагамі былі знойдзены руіны будысцкага храма-кляштара Гаму Хаійфелі. Яны ўключаюць рэшткі двух будынкаў і ступы. Храм дзейнічаў да 1153 г., пакуль дывехі не прынялі іслам.
У 2004 г. насельніцтва вострава Ган моцна пацярпела ад цунамі.
Інфраструктура
[правіць | правіць зыходнік]Востраў Ган фактычна выконвае ролю адміністрацыйнага цэнтра атола Лааму. На ім размешчана некалькі населеных пунктаў. На поўдні вострава пабудаваны порт. Ган злучаны шашою с суседнімі населенымі астравамі. На Гане таксама працуюць пачатковыя і сярэдняя школы, шпіталь, аддзяленне нацыянальнага банка.
Асноўныя заняткі астравіцян — рыбалоўства і земляробства, аднак яны накіраваны пераважна на задавальненне ўнутраных патрэб. У 2011 г. была адчынена турыстычная вёска, прыцягальная для аматараў нырання з аквалангам.
Спасылкі
[правіць | правіць зыходнік]- ABOUT GAN Архівавана 26 сакавіка 2016.
- Maldives, Laamu Atoll. Gan: a local island with history & luxury Архівавана 25 ліпеня 2020.
- Gamu Haiytheli monastery, (on) Gan Is., Laamu, MV