Джгір-насар

Джгір-насар
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Навапёрыя рыбы Інфраклас:  Касцістыя рыбы Надатрад:  Acanthopterygii Атрад:  Акунепадобныя Падатрад:  Percoidei Надсямейства:  Percoidea Сямейства:  Акунёвыя Род:  Джгіры Від:  Джгір-насар
Міжнародная навуковая назва
Gymnocephalus acerina Güldenstädt, 1774
Ахоўны статус
Выклікаюць найменшыя асцярогі IUCN 3.1 Least Concern : / 9566
Сістэматыка на Віківідах Выявы на Вікісховішчы NCBI   1169887 EOL   223128

Джгір-насар, ёрш-насар (Gymnocephalus acerina) — рыба сямейства акунёвых. Народныя назвы біручок, бабыр, чыранос і інш.

Апісанне

Даўжыня да 16—20 см, маса да 200 г. Адрозніваецца прадаўгаватым целам і доўгім рылам. Колер светла-жаўтаваты, на спіне, баках, плаўніках цёмныя плямы. Рот высоўны. Першы спінны плаўнік і першыя прамяні анальнага і брушнога плаўнікоў у выглядзе калючак.

Пашырэнне

Пашыраны ў рэках басейнаў Чорнага і Азоўскага мораў. Водзіцца ў рэках басейнаў Дняпра і Прыпяці.

Трымаецца каля глыбокіх мясцін з чыстай вадой і пясчаным або камяністым дном.

Асаблівасці біялогіі

Жыве чародкамі. Прыдонная рыба. Актыўны на змярканні і ноччу. Зімуе на глыбокіх мясцінах.

Пражэрлівы. Корміцца доннымі арганізмамі, асабліва лічынкамі хіраманід. Знішчае ікру і малявак рыб, шкодзіць рыбнай гаспадарцы.

Полавая спеласць у 3-4 гады. Нераст у красавіку—маі на перакатах з буйназярністым пясчаным або камяніста-галечным дном.

Літаратура

• Гладкі Г. Джгір-насар // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.