Казімір Юльянавіч Мэтэ

Казімір Юльянавіч Мэтэ
Казімір Юльянавіч Мэтэ
Дата нараджэння	27 студзеня 1905
Месца нараджэння	Бараўляны, Бараўлянскі сельсавет, Мінскі раён, Менская вобласць;
Дата смерці	28 сакавіка 2004 (99 гадоў)
Месца смерці	Бараўляны, Бараўлянскі сельсавет, Мінскі раён, Мінская вобласць, Беларусь;
Грамадзянства	Расійская імперыя; БССР; Беларусь;
Месца працы	Польскі педагагічны тэхнікум[d]; Нацыянальная акадэмія навук Беларусі; МДУ імя А. А. Куляшова;
Альма-матар	Расійскі дзяржаўны педагагічны ўніверсітэт імя А. І. Герцэна (1931);

Казімір Юльянавіч Мэтэ (27 студзеня 1905, в. Бараўляны, Мінскі павет — 28 сакавіка 2004, Бараўляны) — адзін з арганізатараў Магілёўскага патрыятычнага падполля ў час Вялікай Айчыннай вайны, педагог.

Біяграфія[правіць | правіць зыходнік]

Паходзіў з польскай сялянскай сям’і. З 1927 года настаўнічаў у Бабруйскім раёне, Менску, Магілёве. Скончыў у 1931 годзе Ленінградскі педагагічны інстытут імя А. Герцэна. Выкладаў у Польскім педагагічным тэхнікуме, быў супрацоўнікам БелАН. Ажаніўся, гадаваў дзіця.

Арыштаваны 7 лістапада 1933 у Мінску. Асуджаны паводле пастановы калегіі АДПУ 27.2.1934 як «член ПАВ і за антысавецкую дзейнасць» да 3 гадоў папраўча-працоўных работ. Этапаваны ў Сібірскі канцлагер НКУС (Марыінск, Кемераўская вобласць, Новасібірск). Вызвалены 23 ліпеня 1936 года.

У ліпені 1941 года НКУС Магілёўскай вобласці пакінуты ў тыле немцаў для арганізацыі падпольнай работы. У пачатку 1942 быў у ліку стваральнікаў падпольнай арганізацыі «Камітэт садзеяння Чырвонай арміі», якая аб’яднала многія падпольныя групы, мела сувязі з партызанамі. З сакавіка 1943 года ў партызанах. З 1944 года выкладчык Магілёўскага педагагічнага інстытута. Зноў арыштаваны 8 чэрвеня 1946. Абвінавачваўся ў здрадзе радзіме. Асуджаны не быў.

Вызвалены і рэабілітаваны 8 мая 1947. За актыўны ўдзел у партызанскім руху ў час Другой сусветнай вайны 9 лютага 1949 судзімасць з Мэтэ была знята. У 1948—1964 гадах дырэктар, завуч Бараўлянскай СШ. Па першай справе (№ 14225-с; захоўваецца з фотаздымкам у архіве КДБ Беларусі) рэабілітаваны калегіяй Вярхоўнага суда БССР 29.5.1959.

Літаратура[правіць | правіць зыходнік]

Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 3. Кніга 2 / Укладальнік Л. У. Маракоў. — Мн., 2005.