Леанід Фёдаравіч Пісанік

Леанід Фёдаравіч Пісанік
Леанід Фёдаравіч Пісанік
Нараджэнне	30 жніўня 1957; Мазыр, Гомельская вобласць, БССР, СССР;
Смерць	5 кастрычніка 2020 (63 гады); Мінск, Беларусь;
Адукацыя	Акадэмія кіравання пры Прэзідэнце Рэспублікі Беларусь; Ваенна-палітычная акадэмія імя У. І. Леніна[d]; Рыжскае вышэйшае ваенна-палітычнае Чырвонасцяжнае вучылішча імя Маршала Савецкага Саюза С. С. Бірузова[d];
Узнагароды	ганаровая грамата Нацыянальнага сходу Рэспублікі Беларусь

Леанід Фёдаравіч Пісанік (30 жніўня 1957, Мазыр — 5 кастрычніка 2020) — беларускі ваенны і палітык, дэпутат Палаты прадстаўнікоў Нацыянальнага сходу Рэспублікі Беларусь шостага і сёмага скліканняў (2016—2020).

Біяграфія

Нарадзіўся 30 жніўня 1957 года ў Мазыры. Скончыў Рыжскае вышэйшае ваенна-палітычнае Чырвонасцяжнае вучылішча імя Маршала Савецкага Саюза С. С. Бірузова, Ваенна-палітычную акадэмію імя У. І. Леніна па спецыяльнасці «Ваенна-палітычная», Акадэмію кіравання пры Прэзідэнце Рэспублікі Беларусь (спецыяліст у галіне дзяржаўнага і мясцовага кіравання).

Праходзіў ваенную службу на пасадах намесніка камандзіра дывізіёна па палітычнай частцы, прапагандыста вайсковай часці, намесніка камандзіра палка па працы з асабістым складам, намеснікам камандзіра палка, намесніка начальніка аддзела па выхаваўчай рабоце, намесніка камандзіра дывізіі па выхаваўчай рабоце вайсковай частцы.

Працаваў загадчыкам агульным аддзелам упраўлення справамі, першым намеснікам старшыні Мазырскага гарвыканкама, старшынёй Мазырскага гарадскога Савета дэпутатаў, старшынёй Мазырскага раённага Савета дэпутатаў, старшынёй Ельскага райвыканкама. Выбіраўся дэпутатам Палаты прадстаўнікоў Нацыянальнага сходу Рэспублікі Беларусь шостага і сёмага скліканняў.

Памёр 5 кастрычніка 2020 года^[1] ад інсульту^[2].

Узнагароды

ганаровая грамата Нацыянальнага сходу Рэспублікі Беларусь^[3].

Зноскі

[1] Умер депутат Палаты представителей

[2] Умер депутат Леонид Писаник: «Скончался скоропостижно. Это не коронавирус»

[3] Пісанік Леанід Фёдаравіч

[1]

[2]

[3]