Леанід I

Леанід I
стар.-грэч.: Λεωνίδας
цар Спарты[d] 491 да н.э. — 480 да н.э.
Папярэднік	Cleomenes I[d]
Пераемнік	Pleistarchus[d]
Нараджэнне	не пазней за 520 да н.э. Спарта, дым Спарта[d], Laconia Regional Unit[d], Акруга Пелапанес, Грэцыя
Смерць	11 жніўня 480 да н.э. Фермапілы[d], Lamia Municipality[d], Фтыятыда, Цэнтральная Грэцыя, Дэцэнтралізаваная адміністрацыя Фесаліі і Цэнтральнай Грэцыі[d], Грэцыя
Месца пахавання	Спарта Tomb of Leonidas in Sparta[d]
Род	Agiads[d]
Бацька	Anaxandridas II[d]
Жонка	Gorgo[d]
Дзеці	Pleistarchus[d]
Веравызнанне	старажытнагрэчаская рэлігія[d]
Дзейнасць	кіраўнік
Навуковая дзейнасць
Навуковая сфера	палітыка
Бітвы	Фермапільская бітва
Медыяфайлы на Вікісховішчы

Леанід I (грэч. Λεωνίδας) — адзін з цароў Спарты з роду Агідаў (491 — 480 да н.э.). Сын Анаксандрыда і, паводле падання, нашчадак Геракла ў 20-м пакаленні. Леанід быў 3-м з 4-х сыноў, але пасля смерці Клеамена I і Дарыэя прыняў царскую ўладу. Леанід быў малодшым братам Клеамена I і заняў пасаду пасля таго, як Клеамен звар’яцеў і памёр, не пакінуўшы нашчадкаў па мячы.

Біяграфія

За першыя дзесяць гадоў свайго кіравання Леанід не зрабіў нічога выдатнага, але затое навечна застаўся ў памяці сваёй апошняй у жыцці бітвай пры Фермапілах.

Абараняў з 6 000 вояў (у тым ліку 300 спартанцаў) Фермапільскі праход пры наступе персаў і загінуў тут пасля геройскай абароны. Цар спартанскі з 488 або 487 г. да н.э., калі Ксеркс напаў на Грэцыю, Леанід улетку 480 да н.э. павёў 300 спартанцаў і 5920 іншых грэкаў у Фермапілы з намерам абараняць як мага даўжэй гэты праход. Персы на працягу двух дзён беспаспяхова спрабавалі авалодаць ім, але здраднік Эфіальт правёў уначы атрад горнай сцежкай, у абыход пазіцый Леаніда. Тады Леанід адправіў большую частку войска ўнутр краіны. Засталіся толькі 300 спартанцаў цара Леаніда, 700 феспійцаў пад камандаваннем Дэмафіла, сына Дыадрома і 400 фіванцаў пад начальствам Леантыада, сына Еўрымаха. Леанід абараняў праход пакуль ён сам і ўсе яго воі не палеглі на поле бітвы.

Гл. таксама

• «Леанід у Фермапілах»
• Фермапільская бітва