Ленры Пітэрс

Ленры Пітэрс
Асабістыя звесткі
Дата нараджэння	1 верасня 1932(1932-09-01)
Месца нараджэння	Банджул, Гамбія
Дата смерці	28 мая 2009(2009-05-28) (76 гадоў)
Месца смерці	Дакар, Дакар, вобласць Дакар[d], Сенегал
Грамадзянства	Гамбія
Бацька	Lenrie Peters Sr.[d]
Альма-матар	Трыніці-каледж
Прафесійная дзейнасць
Род дзейнасці	хірург, паэт, пісьменнік
Узнагароды

Ленры Леапольд Уілфрэд Пітэрс (англ.: Lenrie Peters; 1 верасня 1932, Батэрст, Брытанская Гамбія — 28 мая 2009, Дакар) — гамбійскі паэт, празаік, хірург.

Біяграфія

Нарадзіўся ў сям’і крэолаў Сьера-Леонэ. У 1949 годзе пераехаў у Сьера-Леонэ, дзе атрымаў адукацыю ў Школе Прынца Уэльскага ва Фрытаўне. З 1952 года працягнуў вучобу ў Трыніці-каледжы ў Кембрыджы, у 1956 годзе атрымаўшы ступень бакалаўра прыродазнаўчых навук. Падчас вучобы быў абраны прэзідэнтам Афрыканскага саюза студэнтаў.

З 1956 па 1959 вучыўся ў бальніцы універсітэцкага каледжа (University College Hospital) у Лондан, у 1959 годзе атрымаў дыплом урача-хірурга.

У 1955—1968 гадах працаваў на радыё Бі-бі-сі, рыхтаваў праграмы для афрыканскіх краін. Займаўся медыцынскай практыкай у Гілфардзе і Нартгемптане. Быў членам Каралеўскай калегіі хірургаў Англіі.

Вярнуўшыся ў Гамбію, працягнуў хірургічную практыку ў Банжуле. Быў філантропам, імкнуўся дзяліцца сваім багаццем з маючымі патрэбу.

Абіраўся прэзідэнтам Гістарычнай камісіі па захаванні помнікаў Гамбіі, быў старшынёй савета дырэктараў Нацыянальнай бібліятэкі Гамбіі і Гамбійскага каледжа (1979—1987).

Памёр у Дакары пасля непрацяглай хваробы.

Творчасць

Аўтар паэтычных зборнікаў «Вершы» (1964), «Спадарожнікі» (1967), «Катчыкалі» (1971), рамана «Другі круг» (1965), напісанага па ўражаннях асабістай медыцынскай практыкі, які распавядае пра стан афрыканскага грамадства напярэдадні здабыцця многімі краінамі незалежнасці.

Абіраўся старшынёй Саюза пісьменнікаў Гамбіі.

Выбраныя творы

• 1964: Poems (Ibadan: Mbari Publications)
• 1967: Satellites (London: Heinemann, African Writers Series No. 37)
• 1971: Katchikali (London: Heinemann, African Writers Series No. 103) ISBN 0-435-90633-X ; ISBN 0-435-90103-6
• 1981: Selected Poetry (London: Heinemann, African Writers Series No. 238) ISBN 0-435-90238-5

Літаратура

• Энциклопедический справочник «Африка». — М.: Советская Энциклопедия. Главный редактор Ан. А. Громыко. 1986—1987.

Спасылкі

• Adieu Lenrie PetersАрхівавана 30 чэрвеня 2020.