Ліван (хрыбет)

Ліван?
34°18′ пн. ш. 36°07′ у. д.
Краіна	Ліван
Медыяфайлы на Вікісховішчы

Ліва́н (араб. جبل لبنان‎‎) — горны хрыбет уздоўж узбярэжжа Міжземнага мора на тэрыторыі Лівана, на ўсходзе абмежаваны далінай Бекаа. Даўжыня — 170 км, найбольшая шырыня — 45 км. Вышыня да 3088 м (г. Курнет-эс-Саўда).

Назва

Назва горнага хрыбта паходзіць ад фінікійскага кораня lbn, што азначае «белы» і звязана з пакрытымі снегам горнымі вяршынямі.

Геалогія і рэльеф

Уяўляе сабой горст у выглядзе глыбавага горнага хрыбта. Складзены пераважна з вапнякоў і пясчанікаў, на поўначы таксама — з базальтаў.

Заходні схіл моцна рассечаны, ступенямі спускаецца да мора, усходні схіл круты. На поўдні хрыбет абмежаваны скідамі з вузкай цяснінай Эль-Літані, на поўначы — нізінай Нахр-эль-Кебір. На заходнім схіле карставая пячора Джэйта (аб’ект турызму).

Клімат і расліннасць

Клімат міжземнаморскі. Ападкаў на заходнім схіле выпадае больш за 1000 мм, усходні — больш сухі. Порыстыя вапнякі спрыяюць інфільтрацыі атмасферных ападкаў.

Ліванскі кедр на схілах хрыбта.

На бедных вапняковых глебах пануюць міжземнаморскія хмызнякі (маквіс і фрыгана), сухія стэпы; на асобных участках, складзеных пескавікамі, невялікія гаі з ліванскага кедра, алепскай хвоі, дуба, клёна, кіпарыса. На ўзбярэжжы вырошчваюцца садовыя культуры (алівы, абрыкосы, яблыкі).

Літаратура

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).