Мокен

	Мокен ; (Mawken)
	Дзеці
Агульная колькасць	6800 (2017)
Рэгіёны пражывання	М’янма, Тайланд
Мова	мокен
Рэлігія	анімізм, культ продкаў, будызм
Блізкія этнічныя групы	Аранг-Лаўт

Мо́кен (саманазва: Mawken, тайск.: ชาวเล) — група аўстранезійцаў, карэнныя насельнікі архіпелага М’ёй у М’янме і ўзбярэжжа Андаманскага мора ў Тайландзе. З-за вандроўнага ладу жыцця ў лодках іх часта называюць марскімі цыганамі або марскімі качэўнікамі. Агульная колькасць (2017) — каля 6800 чал.^[1]

Паходжанне мокен да канца не высветлена. У 2-й палове XX ст. выказваліся думкі, што мокен нашчадкі старажытных аўстралоідаў або маюць агульнае паходжанне з Аранг-Лаўт. Паводле вуснай традыцыі, з’явіліся на ўзбярэжжы Андаманскага мора ў сярэднявеччы па запрашэнні валадара Бірмы.

Генетычнае даследаванне, апублікаванае ў 2012 г.^[2], паказала, што мокен найхутчэй паходзяць з болей паўднёвых раёнаў Паўднёва-Усходняй Азіі. У выніку эндагаміі іх генетычная спадчына вельмі аднастайная.

Мокен дзеляцца на тры родава-тэрытарыяльныя групы з асабістымі саманазвамі. У мінулым разглядаліся як частка Аранг-Лаўт, хаця не атаяснялі сябе з гэтым малакскім народам. Прынятая цяпер як агульная назва мокен належыць самай вялікай родава-тэрытарыяльнай групе.

Мокен традыцыйна жывуць у доўгіх лодках kabang^[3], займаюцца рыбалоўствам, паляваннем і збіральніцтвам на беразе. У мінулым рубілі лес, гандлявалі караламі. Цяпер большасць аддае перавагу сталаму жыццю ў вёсках, якія будуюць на па́лях на беразе мора.

Вернікі захоўваюць анімістычныя традыцыі і культ продкаў.

У 2005 годзе СМІ надавалі вялікую ўвагу астравам, дзе жывуць мокен, падчас аднаўлення пасля цунамі 2004 года ў Паўднёва-Усходняй Азіі, калі загінулі сотні тысяч чалавек. Дзякуючы ведам пра мора мокен у гэты час выратавалі мноства людзей.^[4]

Зноскі

↑ Moken
↑ Evolutionary History of Continental Southeast Asians: “Early Train” Hypothesis Based on Genetic Analysis of Mitochondrial and Autosomal DNA Data
↑ The Moken Kabang
↑ Leung,Rebecca (25 December 2005). "Sea Gypsies See Signs In The Waves". 60 Minutes. CBS News. Архівавана з арыгінала 8 кастрычніка 2013. Праверана 14 ліпеня 2018.

Гл. таксама

Спасылкі

На Вікісховішчы ёсць медыяфайлы па тэме Мокен
Sea Gypsies of Myanmar
‘The ocean is our universe’
The Moken People

[1] Moken

[2] Evolutionary History of Continental Southeast Asians: “Early Train” Hypothesis Based on Genetic Analysis of Mitochondrial and Autosomal DNA Data

[3] The Moken Kabang

[4] Leung,Rebecca (25 December 2005). "Sea Gypsies See Signs In The Waves". 60 Minutes. CBS News. Архівавана з арыгінала 8 кастрычніка 2013. Праверана 14 ліпеня 2018.

[1]

[2]

[3]

[4]