Міхаіл Іванавіч Булгакаў-Голіца

Міхаіл Іванавіч Булгакаў-Голіца
Нараджэнне	1466
Смерць	1558 Сергіеў Пасад, Дзмітраўскі павет[d], Маскоўская губерня
Месца пахавання	Троіца-Сергіева лаўра
Род	Гедзімінавічы
Бацька	Іван Васілевіч Булгак Патрыкееў[d]
Маці	Ксенія Іванаўна Усевалажская[d]
Дзеці	Юрый Міхайлавіч Галіцын-Булгакаў[d]
Званне	ваявода
Бітвы	Бітва пад Оршай

Міхаіл Булгакаў-Голіца (1466 — сярэдзіна 1558) — маскоўскі ваявода і баярын, з роду Гедзімінавічаў, родапачынальнік князёў Галіцыных.

Сям’я

Паходзіў з княжацкага літоўскага роду Гедзімінавічаў, нашчадак князя Гедзіміна ў VIII калене. Другі з чатырох дзяцей маскоўскага баярына, князя Івага Булгака-Патрыкеева. Атрымаў мянушку «Голіца» за звычку пастаянна насіць у левай руцэ латную пальчатку. Ад гэтай самай мянушкі ўтварылася і прозвішча будучага княжацкага роду Галіцыных. Меў сына Юрыя, які падпісваўся часам Юрый Булгакаў, часам Булгакаў-Галіцын. Нашчадкі Юрыя выкарыстоўвалі ўжо толькі прозвішча Галіцын.

Біяграфія

На службе Міхаіл Булгакаў узгадваецца 13 лютага 1500 года, калі ён знаходзіўся пры двары князя Васіля Холмскага ў час жаніцьбы князя з дачкой Івана III, князёўнай Сафіяй. У 1510 годзе стаў баярынам. У 1512 годзе ўдзельнічаў у бітве супраць крымскага хана Менглі I Гірэя. У 1513—1514 ваяваў на баку Масквы супраць Вялікага Княства Літоўскага ў маскоўска-літоўскай вайне 1512—1522 гадоў. У 1514 годзе ўдзельнічаў у бітве пад Оршай, камандаваў палкамі правай рукі і так званымі баярскімі дзецьмі. Пасля разгрому маскоўцаў трапіў у палон і прабыў у ім 37 гадоў. Увесь гэты час знаходзіўся ў Вільні. У 1549 годзе маскоўскі цар Іван Грозны прапаноўваў выкуп за Булгакава ў 1000 рублёў, аднак перамовы скончыліся безвынікова. Міхаіл Булгакаў быў вызвалены на волю ў 1551 годзе, пасля чаго вярнуўся ў Маскву. У 1557 годзе сышоў у манастыр і памёр да жніўня 1558 года. Пахаваны ў Троіца-Сергіевай лаўры.

Спасылкі

• Galitzine family Архівавана 21 жніўня 2011. (англ.) на сайце genealogy.euweb.cz