Міхаіл Львовіч Хейфец
| Міхаіл Львовіч Хейфец | |
|---|---|
| Дата нараджэння | 4 красавіка 1962 (62 гады) |
| Месца нараджэння | |
| Грамадзянства | |
| Род дзейнасці | навуковец |
| Месца працы | |
| Навуковая ступень | доктар тэхнічных навук |
| Навуковае званне | прафесар |
| Альма-матар | Полацкі дзяржаўны ўніверсітэт |
| Узнагароды |
 |
Міхаі́л Льво́віч Хе́йфец (нар. 4 красавіка 1962, Полацк) — беларускі вучоны ў галіне тэхналогіі машынабудавання. Доктар тэхнічных навук, прафесар.
Біяграфія[правіць | правіць зыходнік]
Скончыў у 1984 годзе Наваполацкі політэхнічны інстытут. Пасля службы ў арміі (1984—1986) працаваў на Полацкім аўтарамонтным заводзе інжынерам-канструктарам (1986—1989). У 1990 годзе паспяхова скончыў аспірантуру фізіка-тэхнічнага інстытута Акадэміі навук БССР.
З 1989 года перайшоў на працу ў Наваполацкі політэхнічны інстытут, дзе пачынаў малодшым навуковым супрацоўнікам, а затым працягнуў працу старшым навуковым супрацоўнікам. Пасля абароны кандыдацкай дысертацыі «Павышэнне эфектыўнасці апрацоўкі і якасці дэталяў са зносаўстойлівымі пакрыццямі і ўжываннем ратацыйнага інструмента» ў Санкт-Пецярбургскім дзяржаўным тэхнічным універсітэце ён з 1992 года знаходзіўся на выкладчыцкай рабоце. З 1992 года па 1993 год — старшы выкладчык кафедры канструявання радыёэлектронных сродкаў, а з адкрыццём новага факультэта ён да 1997 года — дацэнт кафедры эканомікі і арганізацыі вытворчасці.
Пасля абароны ў 1997 годзе доктарскай дысертацыі ў Беларускай дзяржаўнай політэхнічнай акадэміі М. Л. Хейфец працуе на кафедры тэхналогіі машынабудавання. З 1998 года ён прафесар, а з 2005 года — загадчык кафедрай. У 1997 годзе М. Л. Хейфецу прысвоена званне дацэнта, а ў 2000 годзе — званне прафесара па спецыяльнасці «Тэхналогія».
З 2006 па 2009 гг. М. Л. Хейфец — прарэктар па навуковай рабоце Полацкага дзяржаўнага ўніверсітэта. Са снежня 2009 года — намеснік акадэміка-сакратара аддзялення фізіка-тэхнічных навук Нацыянальнай Акадэміі навук Беларусі, а з красавіка 2010 года па сумяшчальніцтве — навуковы кіраўнік лабараторыі тэхналагічных комплексаў ДНВА «Цэнтр» НАН Беларусі.
Навуковая дзейнасць[правіць | правіць зыходнік]
Навуковыя працы па матэматычным мадэліраванні тэхналагічных працэсаў, сінергетыцы. Распрацаваў метады абмежавання магутнасці і колькасці тэхналагічных уздзеянняў, кіравання Зваротнымі сувязямі паміж параметрамі апрацоўкі. Прапанаваў спосабы стварэння вырабаў без формаўтваральнага абсталявання.
Узнагароды[правіць | правіць зыходнік]
У 2005 годзе за цыкл манаграфій па фарміраванні навуковых асноў і стварэнні тэхналагічных комплексаў для машынабудаўнічай вытворчасці атрымаў прэмію Нацыянальнай Акадэміі навук Беларусі. У 2005 годзе М. Л. Хейфец узнагароджаны граматай Міністэрства адукацыі Беларусі, у 2012 годзе — Ганаровай граматай НАН Беларусі. За дасягненне выдатных вынікаў у сферы прафесійнай дзейнасці ў 2002 і 2007 гг. М. Л. Хейфец з’яўляўся стыпендыятам прэміі Прэзідэнта Рэспублікі Беларусь сярод дзеячаў навукі[1].
У 2017 годзе ўзнагароджаны медалём Францыска Скарыны[2].
Зноскі
- ↑ Хейфец Міхаіл Львовіч
- ↑ Архіўная копія(недаступная спасылка). Национальный правовой Интернет-портал Республики Беларусь (25 жніўня 2017). Архівавана з першакрыніцы 29 верасня 2017. Праверана 30 жніўня 2017.
Літаратура[правіць | правіць зыходнік]
- Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17). — С. 8.
- Савик, Н. П. Хейфец Михаил Львович / Н. П. Савик // Регионы Беларуси : энциклопедия : в 7 т. / редкол.: Т. В. Белова [и др.]. — Минск : БелЭн імя П. Броўкі, 2011 — Т. 2 : Витебская область : в 2 кн. — Кн. 2. — С. 564.
- Хейфец Міхаіл Львовіч // Ученые-уроженцы Витебщины — для инновационной Беларуси / А. В. Русецкий, Н. К. Толочко. — Витебск : ВГУ им. П. М. Машерова, 2007. — С. 139.
- Хейфец Михаил Львович // Республика Беларусь : энциклопедия : [в 7 т.] / редкол.: Г. П. Пашков [и др.]. — Минск : БелЭн імя П. Броўкі, 2008. — Т. 6 : Пейзаж-Снегирёв — С. 410.