Нацыянальны музей у Кракаве

Нацыянальны музей у Кракаве
Лагатып
Заснаваны	1879
Месцазнаходжанне	Кракаў
Наведвальнікі	679 729 чал. (2021)
Адрас	Aleja 3 Maja 1, 30-062 Kraków
mnk.pl (польск.)​ (англ.)
Медыяфайлы на Вікісховішчы

Нацыянальны музей у Кракаве (польск.: Muzeum Narodowe w Krakowie) — музей мастацтва, заснаваны 7 кастрычніка 1879 года рашэннем гарадскога савета горада Кракава.

Спачатку музей змяшчаўся ў дзвюх залах на другім паверсе кракаўскіх суконных радоў на цэнтральнай плошчы Рынак.

Калекцыі музея памнажаліся дзякуючы шчодрым ахвяраванням грамадзян Кракава, якія ўключалі творы жывапісу, скульптуры, гравюры і мастацкага рамяства.

Да музея далучаліся новыя аддзяленні ў гістарычных будынках, у прыватнасці ў кватэрах памерлых кракаўскіх мастакоў.

У 1934 годзе было распачата будаўніцтва новага, сучаснага будынка музея. Першыя памяшканні былі перададзены ў карыстанне толькі ў 1970 годзе, будынак быў цалкам скончаны ў 1990 годзе.

Да кракаўскага нацыянальнага музея належаць акрамя галоўнага будынка (Алея 3-га Мая, 1) наступныя філіялы:

1. Галерэя польскага мастацтва XIX стагоддзя ў кракаўскіх суконных радах
2. Музей Эмерыка Гутэн-Чапскага (польск.: Muzeum Emeryka Hutten-Czapskiego, ul. Piłsudskiego 10-12)
3. Музей Яна Матэйка (польск.: Dom Jana Matejki, ul. Floriańska 41)
4. Музей Станіслава Выспянскага (польск.: Muzeum Stanisława Wyspiańskiego, ul. Szczepańska 11)
5. Музей Чартарыйскіх (польск.: Muzeum Czartoryskich, ul. św. Jana 19)
6. Бібліятэка Чартарыйскіх (польск.: Biblioteka Czartoryskich, ul. św. Marka 17)
7. Музей Караля Шыманоўскага ў г. Закапане (польск.: Muzeum Karola Szymanowskiego w Zakopanem, ul. Kasprusie 19)
8. Музей Юзафа Мехофера (польск.: Muzeum Józefa Mehoffera, ul. Krupnicza 26)
9. Палац біскупа Эразма Цыёлека (польск.: Pałac biskupi Erazma Ciołka, ul. Kanonicza 17)

Спасылкі

• На Вікісховішчы ёсць медыяфайлы па тэме Нацыянальны музей у Кракаве
• Сайт музея