Пабяржэ

Вёска Пабяржэ літ.: Paberžė Герб Касцёл Краіна Літва Павет Вільнюскі Раён Вільнюскі Сянюнія Пабяржэўскі Каардынаты 54°56′50″ пн. ш. 25°14′20″ у. д. Заснаваны 1484 Першая згадка 1484 Ранейшыя назвы Падбярэззе Насельніцтва 919 чал. (2011) Часавы пояс UTC+2, летам UTC+3 Паштовыя індэксы LT-14031 Пабяржэ на карце Літвы

Медыяфайлы на Вікісховішчы

Пабя́ржэ (літ.: Paberžė, традыцыйная беларуская назва — Падбярэззе) — вёска ў Вільнюскім раёне Вільнюскага павета Літвы. Цэнтр Пабяржэўскай сянюніі. Размешчана на рацэ Мусе, на поўнач ад Вільнюса. Насельніцтва на 2011 год — 919 чалавек.

Гісторыя

Вялікае Княства Літоўскае

Першы пісьмовы ўспамін пра Падбярэззе датуецца 1484 годам, калі яно ўваходзіла ў склад Віленскага павета Віленскага ваяводства. У 1503 годзе тут збудавалі касцёл.

У XVI ст. Падбярэззе ўпамінаецца як мястэчка, якое знаходзілася ў валоданні віленскіх біскупаў.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Падбярэззе апынулася ў складзе Расійскай імперыі, у Віленскім павеце Віленскай губерні.

Каля 1887 года ў Падбярэззі было 67 будынкаў. У 1900 годзе тут збудавалі царкву-мураўёўку.

Найноўшы час

25 сакавіка 1918 года згодна з Трэцяй Устаўной граматай Падбярэззе абвяшчалася часткай Беларускай Народнай Рэспублікі. 1 студзеня 1919 года ў адпаведнасці з пастановай I з’езду КП(б) Беларусі яно ўвайшло ў склад Беларускай ССР. У 1920 годзе Падбярэззе апынулася ў складзе Сярэдняй Літвы, у 1922 годзе — у складзе міжваеннай Польскай Рэспублікі.

З пачаткам Другой сусветнай вайны ў верасні 1939 года ўлады СССР перадалі мястэчка Літве.

Насельніцтва

• XIX стагоддзе: ~1887 год — 1119 чал., з іх 432 каталікі, 129 праваслаўных і 558 іўдзеяў
• XXI стагоддзе: 2011 год — 919 чал.

Славутасці

• Касцёл Найсвяцейшага Сэрца Ісуса (1932)
• Могілкі іўдзейскія

Страчаная спадчына

• Царква (1900; мураўёўка)

Спасылкі

• На Вікісховішчы ёсць медыяфайлы па тэме Пабяржэ
• Пабяржэ на сайце Radzima.org