Павісле
Павісле (польск.: Powiśle; часам таксама Ніжняе Павісле, радзей Гданьскае Павісле — каб адрозніць яго ад рэгіёнаў у верхнім і сярэднім цячэнні Віслы, а таксама аднайменнага раёна Варшавы) — геаграфічны рэгіён на поўначы Польшчы, які ахоплівае тэрыторыі ўздоўж нізоўя Віслы, на яе ўсходнім беразе. Знаходзіцца на гістарычнай тэрыторыі Верхняй Прусіі.
Пад Павіслем часцей за ўсё разумеюць тэрыторыю даваеннай Заходняй Прусіі, населеную ў значнай долі польскім насельніцтвам, якая ахоплівае сённяшнюю ўсходнюю частку Паморскага ваяводства з паветамі: Квідзынскі, Штумскі і Мальбаркскі , без гмін Ліхновы, Мілорадз і Новы Стаў, а таксама паўночна-заходнюю частку Вармінска-Мазурскага ваяводства з горадам Эльблёнг, Эльблёнгскім паветам без гмін Паслэнк, Млынары, Рыхлікі і Гадкова , Ілаўскім паветам без гмін Любава і Залева і гміны Біскупец у Навамейскім павеце.
Гэта раёны, размешчаныя на поўнач ад Грудзёндза і на поўдзень ад Жулаваў. Вісла і Ногат аддзяляюць Павісле ад Памор'я на захадзе.
Найбуйнейшыя гарады рэгіёна з насельніцтвам больш за 5 тыс. чалавек у названых вышэй межах: Эльблёнг, Мальбарк, Квідзын, Ілава, Штум, Прабуты, Суш, Дзежгань.
Спасылкі
[правіць | правіць зыходнік]
На Вікісховішчы ёсць медыяфайлы па тэме Павісле
