РШВСМ (баскетбольны клуб)
| РШВСМ | |
|---|---|
| Заснаваны | 2001 |
| Расфарміраваны | 2004 |
| Краіна |
 Беларусь |
| Горад |
 Мінск |
| Трэнер | Міхаіл Фейман |
|
|
|
РШВСМ — беларускі мужчынскі баскетбольны клуб з Мінска. Прадстаўляў Рэспубліканскую школу вышэйшага спартыўнага майстэрства па гульнявых відах спорту.
Гісторыя
[правіць | правіць зыходнік]Рэспубліканская школа вышэйшага спартыўнага майстэрства (РШВСМ) у чэмпіянаце Беларусі па баскетболе раней была прадстаўлена клубамі РТІ-РШВСМ (1995—1997), РШВСМ-РВАР (1997—1999) і РШВСМ-БДПА (1999—2001).
Каманда, якая была сфарміравана ў 2002 годзе, складалася з баскетбалістаў 1986—1987 гадоў нараджэння і з'яўлялася базавай да юніёрскай зборнай Беларусі (U-18)[1]. Галоўным трэнерам быў заслужаны трэнер Рэспублікі Беларусь Міхаіл Аркадзевіч Фейман. Сярод гульцоў былі будучыя баскетбалісты мужчынскай зборнай Беларусі Дзмітрый Акуліч, Аляксей Трасцінецкі, Максім Шустаў, Канстанцін Яфрэмаў.
У верасні 2002 года каманда РШВСМ прыняла ўдзел у Кубку Беларусі, дзе заняла 7-е месца[2]. У чэмпіянаце Беларусі-2002/03 каманда выступала ў Першай лізе і стала пераможцам турніру.
У сезоне 2003/04 каманда заявілася ў Вышэйшую лігу чэмпіянату Беларусі. Да яе далучыліся вопытныя баскетбалісты Аляксандр Бібік, Георгій Кандрусевіч, Эдуард Прыйма і Андрэй Цэдрык[3].
У верасні 2003 года каманда прыняла ўдзел у Кубку Беларусі і заваявала бронзавыя медалі[4]. У чэмпіянаце Беларусі-2003/04 каманда таксама стала бронзавым прызёрам[5].
Напярэдадні сезона 2004/05 на базе каманды РШВСМ па ініцыятыве кіраўніка фірмы «Віталюр» Аляксандра Яцука быў сфарміраваны прафесійны клуб «Віталюр»[6], які ў далейшым стаў чатырохразовым чэмпіёнам Беларусі і трохразовым уладальнікам Кубка Беларусі.
Рэспубліканская школа вышэйшага спартыўнага майстэрства па гульнявых відах спорту ў 2004 годзе была перайменавана ў Рэспубліканскі цэнтр алімпійскага рэзерву (РЦАР), а ў 2014 годзе — у Рэспубліканскі цэнтр алімпійскай падрыхтоўкі (РЦАП)[7]. У чэмпіянаце Беларусі па баскетболе цэнтр быў прадстаўлены клубамі РДВАР-РЦАР (2006/07), БДУІР-РЦАР (2007—2011), БДЭУ-РЦАР (2014/15), БДЭУ-РЦАП (2015/16), РЦАП-СДзЮШАР (з 2017).
Дасягненні
[правіць | правіць зыходнік]Чэмпіянат Беларусі па баскетболе
Бронзавы прызёр (1): 2003/2004.
- Бронзавы прызёр (1): 2003.
Статыстыка выступленняў
[правіць | правіць зыходнік]| Сезон | Ліга | Чэмпіянат Беларусі | Кубак | Заўвагі |
|---|---|---|---|---|
| 2001/02 | Першая ліга | 8 | н/у | |
| 2002/03 | Першая ліга | 1 | 7-е месца | |
| 2003/04 | Вышэйшая ліга | Бронзавы прызёр | Бронзавы прызёр |
Трэнер
[правіць | правіць зыходнік]- Міхаіл Аркадзевіч Фейман (2002—2004)
Крыніцы
[правіць | правіць зыходнік]- ↑ ЧЕ. МОЛОДЕЖКА. ЮНИОРЫ. Проблемы общие, перспективы туманные(недаступная спасылка). Архівавана з першакрыніцы 27 сакавіка 2018. Праверана 8 красавіка 2022.
- ↑ КУБОК БЕЛАРУСИ. Вынужденное омоложение(недаступная спасылка). Архівавана з першакрыніцы 8 красавіка 2022. Праверана 8 красавіка 2022.
- ↑ Единственный фронт(недаступная спасылка). Архівавана з першакрыніцы 8 красавіка 2022. Праверана 8 красавіка 2022.
- ↑ КУБОК БЕЛАРУСИ. Время новое, герои старые(недаступная спасылка). Архівавана з першакрыніцы 8 красавіка 2022. Праверана 8 красавіка 2022.
- ↑ Честь по чести(недаступная спасылка). Архівавана з першакрыніцы 1 сакавіка 2018. Праверана 8 красавіка 2022.
- ↑ ЛИЧНОСТЬ. Александр Яцук: в Европу хотим на любых условиях(недаступная спасылка). Архівавана з першакрыніцы 25 ліпеня 2019. Праверана 8 красавіка 2022.
- ↑ РЦОП ПО ИГРОВЫМ ВИДАМ СПОРТА