Расціслаў Міхайлавіч Раманка

Расціслаў Міхайлавіч Раманка
Дата нараджэння	13 сакавіка 1936(1936-03-13) (88 гадоў)
Месца нараджэння	Гомель, БССР, СССР
Грамадзянства	Беларусь
Род дзейнасці	мастак
Месца працы	Беларуская дзяржаўная акадэмія мастацтваў
Вучоба	Беларускі дзяржаўны тэатральна-мастацкі інстытут (1968)
Член у	Беларускі саюз мастакоў

Расціслаў Міхайлавіч Рама́нка (нар. 13 сакавіка 1936, г. Гомель) — беларускі мастак.

Біяграфія

Скончыў Беларускі тэатральна-мастацкі інстытут у 1968 годзе. З 1968 года выкладае ў Беларускай акадэміі мастацтваў.

Член Беларускага саюза мастакоў з 1996 года.

Творчасць

Аўтар манументальных твораў з А. М. Зінгуном: вітражы «Беларусь працоўная» на ВДНГ Беларусі (1969, з І. Эйдэльманам), «Радыёаўтаматыка» ў НДІ сродкаў аўтаматыкі (1980); мазаіка «Швейнікі» ў ПТВ (1970), усе ў Мінску; чаканка «Спорт» у спарткомплексе «Стайкі» Мінскай вобласці (1971); «Медыцына і жыццё чалавека» ў медыцынскім інстытуце ў Мінску (1990, з Г. Лойкам).

Сярод жывапісных твораў: «Любімыя вершы» (1981), «Восень» (1986), «Ледзяное сэрца Алтая», «Марэннае возера» (абодва 1993), «Зіхатлівыя вяршыні», «Захад перад штурмам», «Раніца пасля цяжкага дня», «Турысты 60-х» (усе 1996), «Алтайскае знаменне» (1997), серыі «Эцюды з рукзака», «Сцяжынамі Рэрыха» (абедзве 1998), «Мае горы» (1999), «Пакінутая лыжня» (2001). Творам уласціва абагульненасць мастацкіх вобразаў, жывапісная лепка буйнымі каляровымі плямамі, яркасць каларыту.

Літаратура

• Салавей Л. Ф. Раманка Расціслаў Міхайлавіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).