Руслан Віктаравіч Івашка

Руслан Івашка
Руслан Івашка
Поўнае імя	Руслан Віктаравіч Івашка
Нарадзіўся	10 лістапада 1986 (37 гадоў); Гвіздэць, Каламыйскі раён, Івана-Франкоўская вобласць, УССР, СССР;
Грамадзянства	Украіна
Рост	192 см
Вага	84 кг
Пазіцыя	нападнік
Інфармацыя пра клуб
Клуб	Віс Сан-Праспера
Клубная кар’ера
2019	Валока
2022—2023	Кастэларана
2023—	Віс Сан-Праспера
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 9 верасня 2023. ;

Руслан Івашка (нар. 10 лістапада 1986, Гвіздэць, Івана-Франкоўская вобласць) — украінскі футбаліст, нападнік італьянскага клуба «Віс Сан-Праспера».

Клубная кар’ера

Выхаванец «Букавіны» з роднага горада Чарнаўцы. Першы трэнер — Дзмітрый Фёдаравіч Гардзей.

У 2004 годзе падпісаў кантракт на 3,5 гады з сімферопальскай «Таўрыяй», аднак выступаў выключна за моладзевую каманду, а ў 2005 годзе ў складзе клуба «Фенікс-Ільічовец» прымаў удзел у аматарскім чэмпіянаце Украіны.

У сезоне 2006/07 выступаў за другалігавы «Хімік» (Краснаперакопск), згуляўшы 20 гульняў у чэмпіянаце, у якіх забіў 4 галы.

Улетку 2007 года перайшоў у «Ільічовец», у складзе якога дэбютаваў у Першай лізе 19 ліпеня, адзначыўшыся адразу дублем у браму клуба «Фенікс-Ільічовец». Па выніках сезону дапамог камандзе заняць першае месца і вярнуцца ў эліту, аднак сам Івашка застаўся ў Першай лізе, перайшоўшы ў «Дзясну».

У пачатку 2009 года падпісаў кантракт з клубам «Фенікс-Ільічовец», у якім выступаў да канца 2010 года, пакуль клуб не быў расфарміраваны. За гэты час згуляў за калінінскі клуб 50 матчаў у Першай лізе, у якіх забіў 7 галоў.

У пачатку 2011 года на правах свабоднага агента падпісаў кантракт з першалігавым белацэркаўскім «Арсеналам», але ўжо ўлетку таго ж года стаў іграком ужгарадскага «Закарпацця» (пазней «Гаверла»). Не здолеўшы замацавацца ў складзе каманды, сезон 2011/12 правёў на правах арэнды ў другалігавым «Прыкарпацці» і першалігавым «Энергетыку», а ўвесь наступны сезон разам з аднаклубнікам Уладзіславам Мікулякам правёў у арэндзе ў першалігавай «Палтаве».

15 жніўня 2013 года на правах арэнды да канца года быў аддадзены ў склад дэбютанта Першай лігі цярнопальскай «Нівы». У канцы 2013 года, пасля вяртання з арэнды, пакінуў «Гаверлу».

У студзені 2014 года пасля прагляду падпісаў кантракт з жодзінскім «Тарпеда-БелАЗ»^[2]. У аснове, аднак, не здолеў замацавацца і звычайна толькі выхадзіў на замену. Свой адзіны гол за жодзінцаў забіў 18 красавіка 2014 года ў браму брэсцкага «Дынама». Па заканчэнні сезону 2014 пакінуў Жодзіна^[3].

У сакавіку 2015 года вярнуўся ва Украіну, падпісаўшы кантракт з клубам «Гарняк-Спорт»^[4], а ў студзені 2016 года перайшоў у харкаўскі «Геліяс», дзе гуляў на працягу 1,5 гадоў.

У ліпені 2017 года прыбыў на прагляд у беларускі клуб «Іслач» і неўзабаве падпісаў кантракт^[5]. Забіўшы 3 галы, дапамог «Іслачы» па выніках сезону 2017 захаваць месца ў Вышэйшай лізе. У лістападзе 2017 года, за тур да заканчэння чэмпіянату, разам з іншымі ўкраінскімі легіянерамі пакінуў «Іслач»^[6].

У сакавіку 2018 года далучыўся да клуба Першай лігі Украіны «Валынь»^[7]. Аднак, правёў за яго толькі тры матчы і ў жніўні таго ж года пакінуў каманду.

З пачатку 2019 года стаў выступаць у аматарскіх камандах «Валока» і «Эпіцэнтр» (Дунаіўці) у абласных чэмпіянатах, з 2020 года гуляў за «Эпіцэнтр» ужо на прафесійным узроўні. У 2022 годзе адправіўся ў Італію, дзе стаў выступаць за аматарскія каманды^[8]^[9].

Дасягненні

Пераможца Першай лігі чэмпіянату Украіны: 2007/08

Крыніцы

[club-2] Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 9 верасня 2023.

[_dd9c99b4ef257767-1] Ruslan Ivashko // Transfermarkt — 2000. Праверана 9 кастрычніка 2017.
<a href="https://wikidata.org/wiki/Track:Q2449070"></a>

[3] Руслан Ивашко подписал контракт с «Торпедо-БелАЗ»

[4] Хомутовский и Ивашко покидают «Торпедо-БелАЗ»

[5] Горняк-Спорт подписал Руслана Ивашко

[6] Руслан Ивашко стал игроком "Ислочи"

[7] Шелихов, Логинов, Валеев, Балашов и Ивашко покинули "Ислочь"

[8] Экс-форвард "Ислочи" продолжит карьеру в "Волыни"

[9] CALCIO MERCATO: AL CASTELLARANO UN ATTACCANTE UCRAINO E CRIVARO TORNA AL FELINA

[10] Профіль на tuttocampo.it

[1]

[* 1]

[2]

[3]

[4]

[5]

[6]

[7]

[8]

[9]