Свята-Раства-Багародзіцкая царква (Ляхавічы)
Праваслаўны храм | |
Свята-Раства-Багародзіцкая царква | |
---|---|
52°03′28″ пн. ш. 25°07′18″ у. д.HGЯO | |
Краіна | Беларусь |
Вёска | Ляхавічы |
Канфесія | Праваслаўе |
Епархія | Брэсцкая і Кобрынская епархія |
Архітэктурны стыль | руска-візантыйская архітэктура |
Дата пабудовы | 1883 год |
Стан | дзейнічае |
Медыяфайлы на Вікісховішчы |
Свята-Раства-Багародзіцкая царква — праваслаўны храм у в. Ляхавічы Драгічынскага раёна Брэсцкай вобласці.
Гісторыя[правіць | правіць зыходнік]
Пабудавана ў 1883 годзе з дрэва замест старой царквы паводле праекта, зацверджанага 7 лютага 1874 года[1].
Архітэктура[правіць | правіць зыходнік]
Помнік архітэктуры сінадальнага напрамку рэтраспектыўна-рускага стылю. Развітая па падоўжнай планіровачнай восі аб'ёмна-прасторавая кампазіцыя складаецца з прамавугольных у плане прытвора-званіцы, бабінца, малітоўнай залы з бакавымі прыдзеламі, апсіды з бакавымі рызніцамі. Будынак мае 2 вертыкальныя, завершаныя цыбулепадобнымі галоўкамі дамінанты: трох'ярусную шатровую званіцу і васьмігранны светлавы барабан з шатром над цэнтральным аб'ёмам. Гарызантальна ашаляваныя сцены прарэзаны прамавугольнымі аконнымі праёмамі ў фігурных ліштвах, люкарнамі (у рызніцах).
Інтэр'ер[правіць | правіць зыходнік]
У інтэр'еры апсіда вылучана драўляным іканастасам. Абразы 19 ст.: «Маці Божая Адзігітрыя» і «Спас Пантакратар» (1836, мастак Юзаф Камінскі), «Троіца новазапаветная», «Маці Божая з дзіцем», «Спас Пантакратар», (1837), «Праабражэнне», «Ражджаство Багародзіцы», «Маці Божая Аранта» (у разным ківоце 18 ст.), «Святы Павел» (1957), «Кірыл і Мяфодзій». «Васіль Вялікі», «Іаан Златавуст», «Зняцце з крыжа».
Зноскі
- ↑ НГАБ у г. Гродна, ф.8. Воп.2, спр. 386, арк.70, 135.
Літаратура[правіць | правіць зыходнік]
- Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.
Спасылкі[правіць | правіць зыходнік]
- Свята-Раства-Багародзіцкая царква (Ляхавічы) на сайце Глобус Беларусі (руск.)
- Свята-Раства-Багародзіцкая царква (Ляхавічы) на сайце Radzima.org