Спецыяльны адміністрацыйны рэгіён Сіныйджу

Спецыяльны адміністрацыйны рэгіён Сіныйджу Герб Сцяг Краіна  КНДР Каардынаты 40°06′02″ пн. ш. 124°23′37″ у. д. Плошча 132 км² Часавы пояс UTC+08:30 Спецыяльны адміністрацыйны рэгіён Сіныйджу на карце КНДР

Спецыяльны адміністрацыйны рэгіён Сіныйджу (кар. 신의주 특별 행정구, 新義州特別行政區) — рэгіён асаблівага статусу ў КНДР на мяжы з Кітаем. Быў утвораны ў верасні 2002 у раёне горада Сіныйджу у спробе ўвесці элементы рынкавай эканомікі у Паўночнай Карэі. Юрыдычна гэты рэгіён з’яўляецца падабенствам кітайскіх спецыяльных эканамічных зон Ганконга і Макаа, і, як і яны, мае «базавы закон» (기본법; кібон боп). Плошча рэгіёну — 132 км².

Нідэрландскі бізнесмэн, этнічны кітаец Ян Бінь быў прызначаны першым кіраўніком рэгіёну ў 2002 годзе. Але ўжо ў кастрычніку 2002 года ён быў арыштаваны кітайскімі ўладамі і прысуджаны да 18 гадоў пазбаўлення волі за нявыплату падаткаў і эканамічныя злачынствы.

Населеныя пункты, уключаныя ў рэгіён

• Горад Сіныйджу (신의주시; 新義州市) — часткова
• Павет Ыйджу (의주군; 義州郡) — часткова
• Павет Ёмджу (염주군; 鹽州郡) — часткова
• Павет Чхольсан (철산군; 鐵山郡) — часткова

Некаторыя часткі рэгіёну з’яўляюцца анклавамі, у якія нельга праехаць, не перасякаючы межаў іншых раёнаў КНДР.

Клімат

• Сярэднегадавая тэмпература паветра — 9,8 °C
• Адносная вільготнасць паветра — 68,8 %
• Сярэдняя хуткасць ветру — 2,2 м/с

Клімат Сіныйджу
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне	Год
Сярэдняя тэмпература, °C	−6,8	−3,2	2,8	9,8	15,8	20,5	23,6	24,3	19,1	12,0	3,3	−4	9,8

Спасылкі

• Прававыя акты, якія тычацца рэгіёну