Уладзімір Мітрафанавіч Свяжынскі

Уладзімір Мітрафанавіч Свяжынскі
Уладзімір Мітрафанавіч Свяжынскі
Дата нараджэння	28 красавіка 1945 (79 гадоў)
Месца нараджэння	Турасполле, Зарачанскі сельсавет, Ушацкі раён, Полацкая вобласць, БССР, СССР;
Род дзейнасці	мовазнавец, літаратуразнавец, гісторык
Навуковая сфера	гісторыя і мовазнаўства
Месца працы	Інстытут мовазнаўства НАНБ; Інстытут гісторыі НАНБ;
Навуковая ступень	кандыдат філалагічных навук (1978)
Альма-матар	філалагічны факультэт БДУ (1971);

Уладзімір Мітрафанавіч Свяжы́нскі (нар. 28 красавіка 1945, в. Новыя Турасы, зараз Ушацкі раён, Віцебская вобласць) — беларускі лінгвіст, літаратуразнавец, гісторык. Спецыяліст па беларускай мемуарыстыцы XVI—XVII стагоддзяў і мове беларускай пісьменнасці часоў Вялікага Княства Літоўскага. Кандыдат філалагічных навук (1978)^[1].

Біяграфія

Нарадзіўся 28 красавіка 1945 года ў вёсцы Новыя Турасы Ушацкага раёна^[1].

Скончыў у 1971 годзе філалагічны факультэт БДУ, у 1973 годзе — аспірантуру Інстытута мовазнаўства імя Я. Коласа АН БССР^[1]. У 1978 годзе абараніў кандыдацкую дысертацыю па тэме «З гісторыі беларуска-польскіх моўных кантактаў даўняй пары (на матэрыяле „Дзённіка“ Ф. М. Еўлашоўскага)»^[1].

У 1971—1992 гадах у Інстытуце мовазнаўства АН БССР. У 1993—2007 гадах старшы навуковы супрацоўнік аддзела гісторыі Беларусі Сярэдніх вякоў і пачатку Новага часу Інстытута гісторыі НАН Беларусі^[1].

Навуковая дзейнасць

Напрамкі даследаванняў: этнакультурная, моўная сітуацыя ў Вялікім Княстве Літоўскім і статус беларускай мовы; праблемы кірылічнай, лацінскай і арабскай палеаграфіі; эдыцыйная археаграфія; крыніцазнаўства палітычнай і ваеннай гісторыі Беларусі; беларуская мемуарыстыка часоў Вялікага Княства Літоўскага; генеалогія^[1].

Найважнейшыя працы: «„Гістарычныя запіскі“ Ф. Еўлашоўскага» (Мінск, 1990); Гістарычны слоўнік беларускай мовы, Т. 1—22 (Мінск, 1982—2002; у сааўтарстве); Мова беларускай пісьменнасці XIV—XVIII стст. (Мінск, 1988; у сааўтарстве); Мова выданняў Францыска Скарыны (Мінск, 1990; разам з А. М. Булыкам, А. Л. Жураўскім); удзельнічаў у падрыхтоўцы да выдання Кнігі № 28 Метрыкі ВКЛ (Мінск, 2000).

Бібліяграфія

«Гістарычныя запіскі» Ф. Еўлашоўскага. Мінск, 1990.
Слова Скарыны (Скарбы мовы). Мінск, 1984.

Удзел у калектыўных працах

Ягелоны: дынастыя, эпоха, спадчына: матэрыялы Міжнароднай навукова-практычнай канферэнцыі, Гальшаны — Навагрудак, 8-10 верасня 2006 г. Мінск, 2007.
Гістарычны слоўнік беларускай мовы. Т. 2-4, 11, 15-19, 25-26. Мінск, 1983—2006.
Метрыка Вялікага Княства Літоўскага. Менск, 2000.
Метрыка Вялікага Княства Літоўскага. Кніга 28: Кніга запісаў (1522—1552): Копія канца XVI ст. Менск, 2000.
Metriciana. Т. 1- 3. Мінск. 2001—2004.
Пытанні культуры пісьмовай мовы. Мінск, 1991.
Мова выданняў Францыска Скарыны. Мінск, 1990.
Статут Вялікага Княства Літоўскага. Тэксты. Даведнік. Каментарыі. Мінск, 1989.
Мова беларускай пісьменнасці XIV—XVIII стст. Мінск, 1988.

Крыніцы

↑ ^а ^б ^в ^г ^д ^е Марозаў 2022.

Літаратура

СВЯЖЫНСКІ Уладзімір Мітрафанавіч // Сучасныя беларускія даследчыкі гісторыі Вялікага Княства Літоўскага : біябібліяграфічны даведнік / С. П. Марозаў. — Гродна-Каўнас: ЮрСаПрынт, 2022. — 290 с. — ISBN 978-985-7257-57-7, 978-609-96340-1-2.
Звесткі пра аўтараў // METRICIANA: Даследаванні і матэрыялы Метрыкі Вялікага Княства Літоўскага. Том II. — Мінск: Athenaeum — Аддзел спецыяльных гістарычных навук ІГ НАНБ, 2003. — 260 с. (Athenæum VIII)

Спасылкі

Уладзімір Мітрафанавіч Свяжынскі на сайце анлайн-энцыклапедыі «Беларусь у асобах і падзеях»

[FOOTNOTEМарозаў2022-1] а ^б ^в ^г ^д ^е Марозаў 2022.

[1]